前日就做到仆街，得我同太子去做野，咁我身為「外賣部經理」，好多野都要我單刀做哂，冇理由係太子既老爹(即係我老闆校長)面前點佢架嘛!只好由我去擔起一d難搞或者遠既外賣，出人意表既事就係太子冇架子，而且佢幫我去遠野，例如係劍橋廣場，我個一刻真係覺得老闆佢地一家四口都好好人!
尋日我開工個時，由於大埔借兵既關係，我既好同事阿堯就去左大埔個邊開工，留底我一個做「羊頭」，睇住d「羊仔」...迷你我既離職令我覺得好開心，因為佢既工作態度係令我同阿堯都覺得非常難受，最後佢走左我真係好開心...新羊原來係叫阿迪，得15歲，即係同太子差唔多大。原來阿迪係同太子係小學同學，咁就得啦!兩條友有計傾...
阿迪係公司既新人，尋日我就帶佢參觀一下公司既環境，同埋教一教佢公司既運作，佢係一個聰明人，做野有效率，最好個樣野就係主動同埋勤奮，有待鍛鍊啦!
同阿迪拍檔做野，講真就真係幾好，一來佢就對上水認識都幾好，其次就係效率上佢唔洗我擔心，返而我只係擔心佢有唔識去比較難既地方，不過佢就暫時就未試過有唔識去既地方!
老闆娘都幾欣賞我地兩個既做拍檔，一來兩個都係勤力到爆燈既人，二來就係兩個都係夠哂勁!
呢個阿迪最好笑就係佢覺得校長好惡，尋日佢太子講:「你老豆好鬼惡死ar!」其實校長係後面，校長忍唔住自己都笑埋一份，講真我覺得校長份人好好，做錯野好少會大聲罵人，邊到會係個d無良老闆ar?
咁尋日收左工之後，黎樹熊就去左我屋企玩，佢就好好奇我dwar game 野，我就比佢攞上手揸下枝MP5!之後佢就同我一齊落屯門califonia做gym!
我係搭小巴落車個時，冇檢查清楚自己有冇留底野係坐位，我係落左車先知道自己原來留底左個電話係架車，我急急問樹熊借佢個電話打去我自己個電話到，好好彩有個好心人幫我拾起個電話，交左比小巴大佬，之後我同樹熊去左屯門碼頭，搵返個司機，咁到左個時，我就問到個司機攞返部電話，真係有驚冇險，如果我冇左個電話，我開工就會好麻煩，例如有好多外賣，我唔知個最新情況...
誤打誤撞之下，我地去左屯門碼頭，咁樹熊都話有興趣黎下呢到，咁今次就真係攞到正，我帶左佢去左屯門碼頭行左一陣，佢就對大嶼山個邊真係好好奇，可能佢比較少去大嶼山個邊啦!
最特別既野就係，原來樹熊想遊下「丁丁河」(即係遊輕鐵河)，咁就對輕鐵d站都熟既，我就帶左佢搭614出返市中心...尋日帶左樹熊去睇好多野，佢覺得好特別!
到左califonia，我做既唔係鍛鍊「爆」，而係練返好個d姿勢，教練話我做得唔好，要自己諗多d，練返好個姿勢!尋日就做得幾好，我自己覺得幾滿意...
|
