而家周街都聽到收音機或者電視都講緊七大奇跡，其實奇跡我鋪頭都有啦!
第一奇:最混亂的貨倉。人地一般貨倉都係好整齊，我公司既貨倉係混亂到不得了
第二奇:全上水最髒的水吧。髒到連水吧師傅都頂唔順
第三奇:最狹窄既通道。由樓面入廚房，經常性迫到不得了
第四奇:上樓上雅座，居然要走出鋪頭。連食環署d人都唔知有樓上
第五奇:廚房居然比水吧休閒。平常食店水吧既工作係好簡單，但我公司居然岩岩相反，有時做到d水吧師傅覺得好辛苦加唔舒服
第六奇:極容易出現工作受傷。唔知點解，公司員工受傷率愈來愈高，不論廚房至外賣
第七奇:辭工率極高。大量員工入職快，走又走得快，經常「換血」，可能受唔住工作壓力既關係，事關公司員工關係並不融合，爭執常見
第八奇:薪金不太理想，但做就做到仆街。老闆份人有點寒酸，都係個句:「做老闆總係想賺多多，員工薪金少少」，係上水黎講，鴻利薪金偏低!
第九奇:外賣單車不足。一般大型食店通常都有3至4部單車，鴻利都係寒酸既關係啦!得兩部仲要冇籃...
第十奇:樓面冷氣時凍時熱。店內冷氣古怪到死，一時好凍，一時好熱，員工好易病倒。
呢十奇，我唔明白鴻利既生意都係咁多，呢個先至係可怕之處，係呢到返工壓力係多多，我唔知自己可以面對到幾時，有時我都想辭工去試下彩虹甜品屋，又或者去做下五金店做。上水有好多地方都好同情鴻利既外賣員工，坦白講，鴻利出外賣不限價格高低，咩件都要送得好好睇睇，變左外賣就會狂出!係極為辛苦...
今日有個新丁，叫an仔，佢新黎就做得比較少野做，我都唔係好敢比佢出d遠野，如果叫佢出深港中心、劍A個d佢肯定抓爆頭唔識，只好自己出啦!希望呢位同事好夾得啦!
|
