今日返工就同阿珊買個老麥牛油米，咁本來佢話要雙層魚柳包加熱朱，但係老麥話要11點后先至有，咁冇法子啦!買就買左一個魚柳包，咁阿珊咁岩又唔食，佢唔食咪我食lor!又叫左個熱朱，咁佢又唔飲，只係要牛米，索性自己食哂整個餐!幫佢買左個牛油米...
水吧師父四眼仔，即係阿良哥，今日就癡左線，係咪都搵我開火...無奈!一包瘸皮正常黎講係放係上層既廁所雪櫃，唔知邊個放左係雪榚櫃，唉!佢就搵我黎開火:「軒，我就黎打爆你個頭，d瘸皮放左落雪榚櫃，想死ar?」我咪串返佢:「白癡既都知瘸皮唔可以係咁凍既雪榚櫃ga 啦!d瘸皮會比雪榚櫃整到乾哂水!你唔好當傻既唔識廚野至得ga!」我既同事聰聰搭多句:「唉!四眼仔...阿dee(即係我)有時比較多野出錯，但唔代表佢咁無知ga!」良哥頓時啞哂...
最無奈都係送外賣去上水廣場B2既洗車場wilson，唉!我出發時係一袋去wilson，一袋去名都!我到左wilson，咁收錢個時比車房佬個時，比個車房佬整到跌左名都個外賣，15蚊既早餐，一個冬T加個朱面，冬T就挨過左，朱面就食哂力，成個爆左...呢個情況，通常都係打返比鋪頭急救，良哥又搵我黎嘈...佢就話:「鑊撚鑊都係你，搞咩呀?」我:「關我叉事ar!頂你個肺，你條友係咪都搵人黎屌，冇撚病嘛?」我忍無可忍，的確呢個良哥好撚麻煩，成日點到我傻，平日我忍，今日我就谷到火滾要爆!我一手將爛左既朱面擲地而下，之後出左去鋪外抽了一根煙以平復自己的心情...
聰聰之後叫一叫返我入去，咁我就冇咁嬲，至少呢個聰聰係一個好同事，仲有返d人性...別誤會!聰聰係一個50幾歲既阿姑，並非一個男仔...
今日係一個做到仆街的日子，外賣好似冇停咁，做就做傻!熱就梗係熱啦!不過自己習慣左，冇咩問題，得閒飲下水，消下暑就冇咩問題...1730先至有得比我收工，真係做到好辛苦!
送外賣爆野其實真係好易有，只係睇下你有冇運，睇下佢會唔會爆野，仲要睇下中途有冇突發事故，例如人流既問題，咁會好易令外賣隨時死左，不過鴻利既人呢真係利字行頭，有發達就不容失敗，錯少少就屌，基本上做工做到失常，我唔知我可以頂幾耐，不過做鴻利，可以話係煉獄既地帶
|
