何為見者殺?定義是見者即殺，毫無餘地刺殺。當然我唔係要殺人，亦都唔係要殺人，不過有d人真係幾黑我憎，唔殺唔得，例如我老豆，可惜我不是殺手。
我尋日係一個好苦悶既環境出左去，因為本來尋日有得行山，點知最後都係取消，唉!等左咁耐既行山，最後都係咁既下場，悲哀...不過尋日都係好好彩可以同老婆一齊係屯門玩下，咁先至冇咁悶!其實尋日搭車去屯門我都有少少驚驚地!因為係4點至5點個時，落下落得好大，連司機都要比好多次break，有時d大貨車行得好快，d水花高過架小巴，真係好鬼嚇人!
幾經辛苦，我搭車係到左屯門，不過我係搭左去新墟個邊，唉!真係大頭蝦，我打左比老婆，老婆都話我傻豬，咁又係既，點會咁傻ga?不過以我咁smart，相信都係識得搭車既，輕鐵係一個我幾耐冇搭過既交通工具，咁今次真係有機會搭下啦!輕鐵車仔細細，平時唔係好覺得輕鐵會迫車，今日足之體會到輕鐵迫車既感覺，嘩!真係迫到媽都唔應得...
最後我搭車到左兆禧，去到我老婆屋企個座，今次去埋個屋企個層。幾好玩既!可以睇下個大廈結構，都係同上水既彩蒲園一樣，所以我上到去，都幾好笑!搵到少少童年回憶^^
阿熒最後出左黎，我同佢一齊落左街，去左海邊玩!一齊玩淋雨，我淋雨冇咩所謂，佢淋下我怕佢病ar!淋完一輪，之後就玩蟲仔，我見到有一隻大野，係一隻水蟑螂，我本來打算係用紙巾點火燒死佢，可惜d紙巾濕左，玩唔到之餘仲要比隻蟲走甩左。
之後搵到一隻叫天牛既甲蟲，益蟲都照殺，我利用左一個老婆既姑媽送比佢既禮物既盒仔，入住隻蟲，之後仲要燒著d人造海綿，隻天牛真係死得好慘，佢係活活中左毒氣焗死，因為人造海綿係由膠做既，燒個時有大量一氧化碳。
玩左一輪蟲，我同老婆去左商場行一陣，順便去7-11買左d紙巾搞一搞自己個look，見到自己同老婆個頭濕哂，好似兩個人一齊玩完水咁!如果日後可以同老婆去游水，都幾開心!
我同老婆其後搭輕鐵，講真十幾時冇搭，都幾得幾特別!
我地又去到大會堂個邊行街，之後去食dinner!去到一間好似叫華都商場，一間叫coobar & cafe，食左一個28蚊幾dinner，好大碟!當然我食得哂啦!老婆個人比較細食，食唔哂!咁我幫佢食d，佢估唔到我食量咁大!嚇左佢一跳!
離開屯門個時，大家都有點依依不捨! |
