會考，比人感覺好嚴肅，呢個係事實，考場上面d老師，通常都係木口木面，呢個都係如我所見既一樣。
尋日第一科電腦，我去馬錦明考，咁我都算係溫足書ga啦!但係去考場個一刻，個心真係有點緊張!
咁尋日我係好早起身，我依舊都係有叫青蛙起身，隻傻蛙都有為我打氣啦!後阿frances又有打比我，朋友上佢都算幾有義氣啦!臨場都打比我為我打氣，起左身，食左少少野，之後就出發啦!
去馬錦明，即係我由上水既屋企行到去華明。路雖然係遠，但至少可以省幾蚊車錢，呢排過緊d窮既生活，應省得省啦!行到去嘉福，有幾點雨，我就諗死啦!我冇帶雨傘，咁點算呢?
再行行下行到去普光個邊，d雨開始愈來愈大，我之後就諗，死火啦!我唔想淋咁多雨，之後仲要愈來愈大，我附近冇任何買傘既地方，都唔知點算好!只好加緊腳步，我係一個田徑運動者，腳步都唔會太慢，之後我好開心咁去到昌盛，我係ok便利店買到我需要的雨傘，仲買左包tempo，成頭濕哂，整返乾個頭，都好應該的。
去到馬錦明，我真係覺得粉嶺返學真係好舒服，一來交通好方便啦!二來返學又近，總好過聯和墟，趕返學趕到仆街!搵野食又唔係易。馬錦明係政府建築形式學校的第二代，我返到去就覺得好似返左李志達咁，個feel都幾得意，咁我係馬錦明見到電腦科長阿詩，之後又見到nichole同妙然呢三個女同學，不過我就覺得，點解只係得我一個男同學呢?有點冇奈...
上到去考場，我先至知，我最大件事既問題係我居然唔記得左去帶鉛筆，呢鑊真係仆啦!要做mc...咁我又問切人去借筆，只好去用鉛子筆做啦，希望個扣分制度唔好扣太多啦!
馬錦明個禮堂開左冷氣，咁我個feel就係覺得好慘，淋完雨仲要去吹冷氣，真係禍不單行!好凍~~~電腦科好深，都係要頂硬上，考左就算啦!唔好太介意!
今日就考西史，咁今日返去個時都好醒目啦!帶左把傘出街，一落街發覺好眼訓，咁我平日想個人精神d都係用煙仔，我就去左美味小食，用左少少錢買左包薄萬，一扯真係爽到爆!
一路行都係冇落雨，我今日係去鳳一，冇尋日咁遠!我就慢慢行啦!本來打算睇下一路行個時見唔見識既人，最後都係見到tempo條仔->祖領，佢今日個look都幾好睇，不過最靚都係佢個geogory個袋!
鳳一個校園都幾大，canteen又有電視，真係好鬼死幸福!最得意都係試場d台，綠色ga!係我既lucky color!^^世史d試題真係唔難，不過就出唔正我d最好lor!一次又冇，二戰又冇，冷戰又冇，佢出埋d香港史，以巴，中共...真係灰!
考緊個時，突然行雷落雨嚇得我ar!d雷超大聲!嚇死朕!
考完啦!我同龍水哥一齊走，之後為左避雨又悶悶地，明天又冇咩考，咁我就同龍水哥去機鋪，佢唔知點解唔打啦!有gundam都唔打，真係好出奇!我就照舊打灣岸，今日遇到一對父女，不過魚腩來的!玩左4局，連輸四局比我，我3場第一，一場第二!^^好開心!
|
