尋日,食左一個好基通既lunch之後,執完一個好似fuba(德文,解混亂到極)既房之後,我就換上衫,去旺角會合老婆仔...
老婆仔鍾意唱k,其實我就唔係太喜歡,不過我就覺得同老婆仔同樂,亦都係一件開心既事,而且難得老婆仔會帶我出街,咁我當然樂意去啦!
本來我係唔記得瓊華中心係邊,但係經過一輪查地圖,再自己行行下,咁就知道係邊啦!其實我真係傻,我係去過既!我仲好記得我係中三升中四個時,同3c班友去左海洋公園之後,之後夜晚去漢陽苑食野,唉!咁都唔記得瓊華,真係太大意...
上到去neway,我一出笠門,見到老婆仔,當然係好開心啦!入到去,見到阿蝦,阿魚同埋阿嵐,基本上我覺得佢地雖則朋友,但係有時都會為難我...例如當比錢既時候,阿蝦就叫我比住先,唉!擺到明係想我萬歲lor!好彩我老婆仔幫我解圍,不過要老婆比錢,我覺得不好意思...唉!邊有男仔想個老婆比錢先過自己ga?
之後,佢地係咁飛哂老婆仔d歌,唉!我就覺得佢地太衰啦...咁樣蝦人地,我都好想幫老婆仔,但係阿蝦同阿魚都係d惡爺,零我罪小人,莫得罪女人,呢個道理我好清楚...唉!對住呢d惡爺其實我唔係咁開心,又唔會就下人,也難怪佢地冇仔既!
唱完k,行左陣街街,老婆仔就帶阿嵐去買衫,左揀右揀呢個係女性買野既特質,作為老公既我,我都會陪老婆既,不過有時d鋪頭仔實在太細啦!我就只好企係門外等啦!最後阿嵐買左件衫,我地再行左陣女人街,其後就睇戲啦!
行左去嘉禾,阿嵐就同我地say個bye之後,我地睇「甜心粉絲王」,呢套戲阿葛做導演,有阿sa,森美,仲有鄭嘉穎...成套戲,笑野就有幾多,不過就太簡單,欠深度...都係個句,港產片欠深度,粗糙製作之餘,仲要覺得唔好睇,我知阿葛想反映現時青少年對偶像既睇法,瘋狂追隨偶像既心態,仲要買埋一大堆有關該明星既精品,呢d野真係好似我個契仔,為左見ayumi,從ayumi黎香港,睇演唱會,仲要成屋都係佢d野,講真真係好浪費...
最後睇完戲,一齊返屋企!之後我同老婆仔bye左之後!佢之後話返比我聽,佢比個間咩鍚安教會煩住佢!唔比佢走之餘,仲要係到講一輪聖經,唉!邊有教會咁ga?我有返教會,我都知教會唔會咁...都唔知d錫安教會搞咩!最後老婆仔仲要比屋企人罵,又唔信佢點解遲返!激氣...
|
