星期六,3月31號
朝早誠晉哥就要如常地補習啦!食左個lunch,之後就出左去旺角廣華買war game野,我就打算買返一個槍袋,一個叉電同埋一個風鏡,而我細佬呢就係主要係問槍既問題,同埋買一套現役美軍軍服acu啦!
誠晉枝槍可以話係問題比較多,唔知點解開槍個下好多嘈雜既聲,當然呢d唔係好既現象啦!所以呢,我細佬就攞左枝枝槍去war4個到問人點樣處理,佢枝槍可以話係問題比較多,始終係一枝槍齡比較大既二手槍,問題係有少少都唔出奇,個時steven買比佢,咁steven都玩左一段時間!
係第一站,我同阿誠去疽war4個到問野,咁war4 d職員就話,可能唔夠潤滑油,什至乎有掃齒既危機,我同佢聽左之後,當然係有少少擔心啦!咁war4果到d職員就係個時叫細佬開下開槍,咁d職員就話,放心,應該問題不太大既,扭一扭底個粒鑼絲,相信個聲既問題不大!
之後就去左統工房,之後我就買左個平靚正既風鏡,85蚊,都幾抵!順便幫我細佬買左枝雙星既潤滑油,30蚊!算係唔錯啦!我都覺得war4同統工房既服務態度不錯,相反地我轉過頭再去s-3,唉!簡直係令我大大失望,我打算係個度問下d槍袋價錢,唉!d職員個個都只顧同d將會有錢賺既客去傾計,去sell野,完全冇理會過我呢個問野既客,真係覺得好離譜,以前我仲會覺得s-3不錯既,不過而家佢地搞到咁,我都覺得幾失落!
行左一大輪,都係大部分得個睇字,本來打算買包豆,唉!呢排窮d就真係可憐d!想買都冇得買...唔緊要啦!遲d先買...
到左5點幾6點,我同阿誠去左信和中心搵四眼佬買acu衫,四眼佬d衫真係好鬼抵死,平之餘仲要係好多好易有!咁我一入到,老闆都認得我,佢就問我阿jack唔過黎既?咁阿jack冇同我地一齊出黎,得我地兩兄弟...阿誠就問佢買acu,acu就可以襯戰鬥帽(鴨舌帽)或叢林帽,我細佬就梗係叢林帽啦!
就咁樣我地就係旺角成日!對住d槍,對d迷彩,覺得幾開心!
星期日,4月1號
主要朝日都係冇咩野做,都係睇下世史,下午時間就同老婆仔傾電話,幾開心既!之後下午時間有一個電話打黎我屋企,原來係荷蘭的二姨,原來是表姐生了個女,好野!我同細佬又做表舅夫lu!
係黃昏之夜晚時間,我就同老婆仔一齊係蝴蝶山曬月光,平時我唔會自己一個或者同其他人,包括細佬在內一齊咁上,因為我知道上面曾經發生有人被非法入境者打劫,好彩我地都冇事安全!
月光好靚,又月又白,咁同老婆仔一齊上山,今次可以話係老婆仔第一次行山,蝴蝶山呢d level1/10,對於我黎講就冇咩問題,但對於老婆仔就辛苦啦!我地係一號亭坐左一陣,話哂老婆仔辛苦wo!係個亭入面,不時發出蟲鳴,又或者杜鵑鳥啼!可以話係幾有神秘色彩,我平時老有行夜山,當然就唔驚啦!但老婆仔佢係第一次行山就行夜山,驚就好正常!
係好快,我地就到左山頂,估唔到老婆仔d體能都唔差,大約用左15分鐘就上到頂!當然扣除休息時間啦!不過老婆仔都算係叻叻ga啦!係山頂上面,我地曬左一輪月光,浪漫左一輪咁啦!細節既野,當然唔會話比你地知啦!^^
不過係就走個時,佢屋企突然打黎搵佢,唉!又係個d咁遲都唔返,罵佢一輪咁啦!有d掃興...之後我只好踩單車揸快d!好彩落山個時冇係7仔買左罐啤酒咋,否則我真係唔知點樣載老婆返屋企!飲完酒再踩車好撚wing ga嘛!
就咁樣我就車左老婆返屋企啦!有時都覺得老婆幾似灰姑娘...咁我架單車咪好似南瓜車?
|
