尋晚，我同samuel，阿ben，阿仔，仲有阿堅咁多個一整出黎上水中心個邊傾下計，咁趁住呢d機會去講下大家既事，不論屋企還是其他問題，從中覺得大家朋友之間先至搵到個種各人既難處。
正所謂家家有本難諗的經，各人的屋企都係有唔同既問題，我個邊就依然係屋企人問為大問題啦!隔唔夠一輪就係到嘈一輪交，唉!真係好鬼麻煩，呢d野連smauel都feel到，samuel有一日打比我，佢都聽到我老豆d語氣唔同哂!所以呢我都覺得samuel都算係幾體諒我既朋友既!而samuel佢自己都係因為女既問題，點講都係個句，希望佢比d心機啦!我只係覺得女呢樣野，唔係話真係搵得好困難，只係自己條鑰匙岩唔岩，有人問點解拍咁多次都係散呢，原則上我係覺得條鑰匙同個鎖出現左d問題，如果對鑰呢門野有少少認識都知道，鎖同匙要必須牙位吻合先會開到同埋鎖到，假若牙位唔吻合，又或者只是接近，都唔代表鎖可以被鑰開啟。
開門遊戲大家係無線台慶遊戲節目見得多，一班傻呼呼既藝員會好小心咁決定自己條鑰，希望開大屋或者名車，中的藝員好開心，一插一扭一開，喜悅的笑容露出。唔中的藝員，好有趣地將鑰匙插入，死扭狂扭，都係毫無結果!拍拖亦是同樣，希望有心既人會明白呢個道理啦!最緊要係唔好過份去扭條匙，因為咁樣做，只會令到條匙斷。
講下其他野啦!下下講d兒女私情未是一件好事!講起會考先至好笑啦!阿仔今年都係考會考，咁佢張准考證真係「掂」，一分為二，不過佢都唔打算考試，要唔要都擺啦!其實有人係會對會考好緊張，亦有人覺得會考唔重要，因為我識到既親戚，係我阿爸個邊，冇一個人上到大學，亦有大部份親戚冇考會考，但係都係能夠養妻活兒，呢個世界唔係會考代表一切，反而要諗既就係一日你有手有腳，一日你都要辛苦，而且你對社會有點貢獻，其實都可以好快樂。
阿ben同堅，尋晚都係攞住部電話係到玩games，可見兩個都有宅男的味道!呢兩個都係懶理，同samuel及阿仔傾計好過，我地呢d傾計，點會齋煲煙咁悶ga?梗係會飲下酒ga啦!放心!我地冇飲到貓哂，可況我呢d由細都有飲酒既，可以話係由屋企人教既，咁我覺得人酒量好，先至唔會比人玩，萬一比人灌，都總好過唔識飲，飲到貓哂!
抽煙之際，我阿媽岩岩返到屋企，佢打比我係到打鑼搵我，話我咁遲返，唉!我咁大個人都自有分數ga啦!以前返工同fd去浦上水中心公園飲酒都係咁ga啦!試過玩到成點先返，而家咁早12點都未夠你就響我返屋企?真係覺得有d過分...如果真係唔返屋企，我唔返又有咩所謂，反正返到去屋企，得個悶同訓...之後到我細佬打比我，佢就報料比我聽，屋企又嘈過!呢d我都feel到，咁既情況返去仲衰，唔返好過!索性去阿仔屋企玩同過夜玩下。
去到阿仔屋企，佢阿媽未訓，其實我過去都覺得有d不好意思!咁好好彩我同佢屋企個邊都係熟，而且同阿仔咁fd!佢屋企個個邊都冇咩所謂!bingo!我同aunt一齊睇電視，諗起都覺得幾好笑!
睇阿仔打機個時，泳兒(唔係真係泳兒，只係阿仔既姐姐)返黎，佢家姐呢係一個真真正正既電話狂，一放工返到屋企，就已經係個屋企攞起電話黎傾，掂曬!我同佢家姐唔係好熟，所以都冇咩野講!
咁我同阿仔成3點先訓!真係好鬼爽!
|
