一向音樂好差既我，除左最叻係識得打鼓之外，基本上係咩樂器都唔識，以前小樂之初中，雖然我都係有學過吹牧童笛，可惜成績好差，我得到既分數係音樂考試中多數都是唔合格!我唔識睇5線譜，咩野叫做fat，咩野叫做sharp，我完全唔識，更何況我玩其他樂器。

由細到大，我未學過任何樂器，其一既原因就係，我一向成績係極之差，也難怪我係一個無心向學既人，小四及中四都要重讀...同時，我成績差亦都導致我冇時間去學其他興趣，最叻仔都係幼稚園去學畫畫!所有樂器，我唔識...

我既音樂路途好吃力，可能咩都唔識既關係啦!但出奇地，我居然同細佬報名去學電子結他，起初我都覺得係唔係自討苦吃呢?但後來又諗，唉!成世人好似只係得運動技能，行山、長跑、單車、攀石、定向，都係運動類別，音樂就咩都冇...咁難得細佬又去學，咁咪平常心一試lor!

好啦!咁尋日第一堂，我同細佬同一班上啦!唔知點解，我總係覺得我總係比其他學野學得比較慢，我細佬已經識彈，我遲遲都唔識，難道我同音樂既野係有少少隔閡，不過我知道自己係有少少學習困難症，或者人地出合少少力就做到，我個d係出10倍都唔知得唔得...

結他，整體黎講幾難，我唔係好get到個要點，我學得好辛苦，我好怕追唔上!

尋日真係好開心ar!我姨丈既朋友Herry叔個邊打算搞鋪頭,鋪位就買左ga啦!只差在起步既一刻,但我既心情已經好開心,因為將來我會係個度做野!而且合股人仲有我地一家3個,阿媽個妹即係我阿姨,同埋我既廚房佬表哥...

鋪位都幾大,667呎,係鑽石型鋪位,門口都幾大!可以搞橫摺屏既門口,咁可以打開哂個屏,令到出入更為方便...最抵死既係,呢個鋪位係有廁所,不過現階段個廁所仲係男女共用廁,希望如果係許可既睇下可唔可搞到男女分隔廁...

門前有3棵樹,可以話係風涼水冷,有樹蔭,唔洗咁曬!另外,d客可以係夜晚既時候食消夜,可以坐係大樹下既桌椅,相信係幾舒服!

另外,鋪頭個風格係有機會搞歐陸風格,我諗玩d吊扇、藤椅之類既,格調甚至可以玩到法國feel都唔錯...希望咁樣啦!舒服程度可以同starbucks、delifrance、pacifac ocean咁...反而我覺得風格台式既,好似仙跡岩、仙蹤林個d唔係咁好,因為香港人多數已經係個d鋪頭食野飲野,太冇新意了!

間鋪附近原來有間after five,呢間野我幾鍾意ga!我知道佢有唔少既分店,其中一間好似係銅鑼灣!當然我都想自己個邊既鋪頭搞得比佢更加有聲有色啦!分店比佢更多!

睇完鋪頭,我就同媽,阿姨、表哥,坐herry叔架車,去左我阿姨屋企,當然仲見到我既表弟為為啦!佢真係好得意,如果我第時都有一個仔,我都覺得幾開心!當然都要睇老婆肯唔肯生啦!

有朝一日,如果開到分店,我都想我可以同細佬係店入面既老闆,之後請自己朋友一齊做野,好似steven同佢老婆咁...不過steven佢多數做警察,或者佢係大埔行咇個時,咪過黎食野lor!^^