尋日好早起身,係好早之前steven已經約左我地兩兄弟去大棠打war game,雖然我係會考在即,不過溫左咁耐書,打下war game咪當獎勵下自己lor!
咁係尋日朝早去到上水廣場既body shop,因為要同埋阿jack一齊去,阿jack比我地早到,理由係我地遲左,steven好遲先至落到去,會合我地...我地4個人d裝備都係多到不得了,最多果個係阿jack,一個槍袋仲要加個mil force既裝備袋!如果論枝槍最貴應該係阿jack,M4A1既CQB版,有紅點鏡,有滅聲器,仲要唔係國產槍,係G&P...我就最平啦!國產槍mp5
大棠呢個場就幾大,分場細,其實我就覺得麻麻地好,d場地好細,冇個種尋求既氣氛,相反地我就幾欣賞個到d職員既服務態度,友善之餘仲好傾得埋既...良哥係其中入一個教練,基本上呢佢份人就幾惡死,又有時就幾好笑既...最搞笑既係d傻仔冇行入去果個試槍區,就咁係到開槍,良哥睇見班友覺得幾激氣,之後佢就借左一位師兄既槍,個枝係M4A1加紅點鏡連沙色外層加地拖棍,約有兩面罐力!個d傻仔仲未知良哥已經cam住佢地,良哥趁d人未知,就full佢地,好鬼死好笑,d傻仔仲未知咩事,笑到我ar!
第一場,打山頂防禦戰,阿jack就好慘,佢個叉電同枝槍甩左線,要用辣雞先至可以救得返!所以只好錯過第一場,我同steven加細佬係山上面做防,係一座小型既水塔下面,基本上都係安全,同時比我地打中左一個!^^
第二場,倒返轉我地攻頂,jack就返黎啦!咁我地就好快被人打低左啦!原因係cover point太少,我又企得太明,之後我細佬同埋個d租槍既相繼中哂...steven同阿jack個d仲搞笑,行左唔知去邊!到我地打完end game左,佢地都仲未落山!之後要我地叫返佢落黎...
第三場係打戰壕,我地首先做攻方,個場最好笑既係有火箭玩,不過我就對呢枝野不太感興趣,零可自己攞槍打!咁我之後係呢個場又shoot到一件,我仲要唔小心一開槍shoot面,當然我就講聲對唔住先啦!好彩佢又好大量既...
第四場,倒返轉做反攻,咁我足之都可以睇到個火箭既發射原理,原來佢係用一枝滅火筒推動,用水樽作為飛彈,真係好鬼好笑!但覺得佢地好聰明...打反攻呢,其實都幾有難道!遠一遠咁去打,仲要去搵人,都幾難...本來見到有人架啦,但係d人唔叫死,真係幾可惜...
第五場,做攻,呢場同阿jack夾得幾好,一路做cam既細佬由頭cam到落尾...我同jack就不斷上前去攻,仲要有個揸狙M14既師兄幫手,真係夾得非常好...個場就差d又有一個收鑊...
之後就食飯啦!肚仔餓當然食野就食多d啦!咁有咖哩薯仔雞翼,有d菜,加個飯咁啦!都幾好啦!原來d飯係有d職員煮既,咁手勢都ok 啦!幾好食啦!呢樣野就好過三軍個時啦!個時食飯盒,d味道就麻麻地啦!
第六場,廢車場,個場好有趣咁有架爛警車,都幾得意!咁個場使用既彈藥數目都唔少,好多時都用哂兩個夾!我就幫手做報告敵人位置,可以叫做天文台,前鋒d工作就係又危險又辛苦,咁d人都係啦!明明打中左都唔應數lor!如果真係中既,大約有2個得手!
第七場反攻,我覺得個場扭一扭轉,難打好多!最後我都係中彈叫死...
第八場,打沙丘,極難打!好易就中彈!真係好慘,枝槍係呢一場先叫jam槍,係到嘔彈!我當然擔心啦!好彩唔係一開場就jam咋...
打完哂咁多場,我都係覺得呢個場麻麻地好玩,下次都係未必去lu!三軍係食野差d,不過我就覺得場好先至係最緊要!至於服務態度,呢邊大棠就好d!停車場又夠大,泊成十幾架車都冇問題,如果第時揸車入黎呢到,我都覺幾方便!至於alex個team人呢,都ok既,幾nice,唔會話祈視我地呢d新丁!最搞笑都係alex條女,人地叫佢影相,佢就真係聽哂人地話,真係倒轉部機黎影!笑死我...另外有個大姐,都成20幾歲ga啦!身份係某教練既女朋友,佢就攞住d相機,有nikon,仲有canon eos 400D,對於我細佬呢d機迷,當然見到好開心啦!呢個大姐就好似戰地記者咁,係打緊war game都照樣入場影...
最後,我地歧屋企個時,阿jack累到搭巴士時訓左,我細佬就係咁自拍啦!我就睇下steven set槍..佢就慘啦!佢枝槍g36c既地拖棍篤穿左少少個槍袋...我細佬會係最慘果個,內部既波箱出現左d問題,相信係「天梯」損壞...jack就打game打到同我一樣jam左槍,最後我同佢都係返到屋企時整返好枝槍...
總括而言,尋日都幾開心!
最左:誠晉哥,我細佬,M4A1連6倍狙擊鏡,美軍現役acu軍服
中左:我,MP5A4,GIGN(法國特殊部隊)軍服
中右:阿Jack,M4A1CQB連紅點鏡、RIS地拖棍、滅聲器、特殊後準星,美軍三角洲部隊軍服
最右:steven,G36C連紅點鏡、地拖棍,美軍越戰叢林色軍服(已退役軍服,該軍服有部份已轉賣給泰國)
團體照
貝雷帽:良哥,英軍
下層最左:alex,muilt-cam軍服(現役美軍沙漠色軍服)
|
