謝師宴可以話係一生一次的大事，但係我覺得係幾冇聊既事，坦白講我尋日既謝師宴，對住一大班唔多熟既人，而且又對住咁多仇家之下，我真係覺得食落幾冇引!而且酒店既食野，真係貴夾唔抵lor!所以尋日我都係食完，玩左一陣，之後我就走左啦!
尋日大熱天時返工，真係幾累，阿寶仲問我加唔加時，因為佢話要去飲，朋友結婚wo!唉!我唔係唔想加時，而係我真係好需要時間去旺角謝師宴，最後我就自己4點鐘自己收工，之後就急急腳就去陪一陪青蛙，話哂佢都係我老婆仔，多d陪佢，當然要陪佢多d啦!
返工個時唔小心打爆左枝lacoast既古龍水，當然覺得可惜啦!幸好枝野唔洗自己出錢，咁都冇咁心痛...個樽野又未至於完全爆哂，咁我咪係見青蛙個時，我就順便一手打爆佢。
同青蛙見面只係用左好少時間，我地一齊玩左一個鐘就走左啦!其實呢排我真係幾唔開心，一來係面對朋友上的批評，二來就自己呢排有少少手緊，為錢而頭痛啦!
我自己係1710既時間就同青蛙道了別，我自己就過左去謝師宴，咁我本來就同阿BEN一齊上，咁岩阿jack都係到，咁我咪又一齊搭車過去!
到左會場，係帝京酒店既一個大房位。入場個時，簽左個名，之後就搵位坐，一坐底，成班男仔圍位係到傾計，都係近況、返工、去邊到玩咁...
開場時，校長講左一大輪廢話加長篇大輪既悶野，屌!食野就食ga啦!唔好搞咁多花樣...尋日師父珍珍都係冇出席，唉!仲諗住搵個機會傾計，不過基基sir都係有出席，咁佢都係同我講話我有獎攞，長跑校圈果個，冇啦啦有個金獎，搞笑lor!
諗起食野個時，一大班餓狼飛撲而出，男既可以話係失去紀律性，女既唉!儀態大失...我唔知點形容!餓都唔洗咁啦?
酒店所提供既食物同我所想仲有一大段距離，比咁貴但係食既野真係cheap到爆，又唔係好食wo!日本野個part d壽司一d都唔好食，比較好食既都係d刺身，熱食就真係好唔掂，比埋哂個d炒飯、咖哩，cheap到唔掂...甜品最唔好，沙律仲好，d cheese cake就難食到不得了，有個朱古力mose，呢個就幾好!
成場野入面，朱太郎係games個part，基本上都係搵人黎際旗，好無聊!
冇意中，謝師宴有個小抽獎，咁就抽中左我，我就得到一個玻璃風鈴，幾靚ga!
最後我2230就離開左謝師宴，食完一餐，就算了!阿jack就玩得幾開心ar!係咁影相，又有阿萍陪佢，獲益不少... |
