落雨，落左一輪又再落，真係比呢個天氣玩死，冇外賣出就唔落，一有就大到七彩!
今日開工，上半場早餐除左d梗客，仲有一個大工程就係深港中心，真係頂佢個肺，60蚊既外賣都好叫，明知自己既位置咁「近」，係叫就叫得多少少，等我送件都送得開心d...
阿堯請假，得返我同隻迷你我，點講都好呢隻野真係三個字形容佢，就係懶、奸、精...
懶:好食懶飛，呢個迷你我真係好懶，專揀d唔遠唔近，最好就龍豐，同班老友吹水，遲遲都唔返...仲有比我捉到佢既上水廣場吞撲
奸:自己扮哂好人，比哂d廣場人地去，自己就扮勤力，去遠野!其實係想換取更多時間吞撲...
精:扮哂野唔撚識去d遠野，去劍A又話咩落雨，去深港又話驚爆野...
做野曬太極既，踩單車死下死下，「揀飲什食」去外賣既態度，我對住佢真係好唔開心，自己就做到仆街，佢就吞撲行街...有時谷鬼氣，索性完成d任務之後，抽下煙透下氣，來一個「你不仁，我不義」結果真係好鬼好，佢去撚哂d野，實情磨練佢，操死佢...
今日，五點幾個時，我去完劍A618，返到黎公司，見到有兩個外賣係一個去廣場1206，另一個係新都百老匯，呢個迷你我，居然夠膽死去廣場，放低新都比我搞掂，簡直係離撚哂譜，邊有人好似佢咁ga?一橋之隔姐，都要走兩轉?之後我就開火罵人啦，我係老闆係到都照開，反正我唔罵人，老闆都會開火，我就講:「喂!你對腳廢ga?廣場同新都咁近都要分開行，冇病嘛?」呢隻迷你我仲要彈一句:「我既午餐就快變晚餐啦!」我就話:「得你一個辛苦同肚餓ar?白癡...」
呢個同事，由收銀、侍應阿姐、水吧基哥同成哥、太子女「杏霜」都頂佢唔順，大林生(老闆)都開火罵過佢兩次...佢死期好快到!
|
