今日我放假，其實本來冇咩事都唔會放假，向來我係一個勤奮既外賣，我都好少請假，但係今日為左老婆，我為左佢而去請假，放棄一日既工錢，放棄出糧既時間，我同老婆一齊去左上環，灣仔，銅鑼灣呢幾個地方，今日雖然好熱，但我地覺得好開心...
咁我就同老婆今日約左係上水火車站等，其實我同佢都係有d累，因為我自已係返完工岩岩放假，佢就夜訓，係火車到老婆挨住個玻璃，我就挨住佢膊頭，我實在是未訓足時間的...
到左九龍塘，地鐵轉車轉車又轉車...去到上環!去上環就當然係食pizza啦!點解咁講呢?因為SOHO區個到有檔好出名既pizzera italia，我非常鍾意佢呢到既pizza，因為佢呢到pizza，唔同港式pizza好似pizza hut咁，pizza hut我係覺得一d都唔好食，批厚又唔脆，最衰格係芝士太多，仲要d芝士唔靚，求其比埋d爛芝，個價係貴，但就完全冇水準可言...相反地去SOHO，師傅係意大利佬，手法正宗到不得了!pizza hut就算係叫薄，個厚度都係有成5mm厚，如果5mm厚，個d係意大利叫做厚野啦!今日我係鋪頭叫左個regular加anchovies加肉腸，咁就洗左80蚊，聽落你可能會覺得我咁捨得洗錢，其實80蚊真係真材實料...當師傅焗完個pizza之後，佢用pizza刀一擋個pizza，嘩!脆到好似薯片咁，批都係3mm厚，好靚!
我一路同老婆行返落去地面個d商場，個pizza d 味係香到連我身邊行過既人都望住我...個批太香了!可惜既問題就係，老婆食左早餐，太飽食唔落pizza，咁我只好獨自食哂!當然我好enjoy啦
上環至中環都係有白領上班既地方，我對白領既工作一d都唔喜歡，講真坐係個寫字樓，日日朝9晚5，好枯燥乏味，我呢種係屎忽尖既人，邊會鍾意呢種返工既地方ga?當然係一d對人多d既工作啦!講真我真係想做速遞員，呢d工我會覺得好開心...
之後去左TIME SQUARE,我覺得係city super先至叫係一個標準既超市，因為一入到去，應該要買既，又或者想問既，都係好易就搵到，基本上唔洗諗，用直覺一行就可以，我覺得百佳同惠康做唔到呢一點，咁今日見到好多類似日清美味寶個種咖哩包裝，真係好多，不過價錢就唔平，多數都要35包，35包既話不如我買包yvesaintlaurn煙仔又或者買SATAIGA...
我同老婆行左好多銅鑼灣既地方，例如東角，東角果度有三個女仔扮天使，唉!真係辛苦，大熱天時仲要著天使look，其實係好熱!也難怪佢地做迎賓既位都講野講到亂哂大龍!
後來再去灣仔，去到香港公園，本來想去搭下攬車既，咁後來我同老婆都係改左，唔上去山頂...當然係呢個地方，有好多相機迷!因為係個池塘有好多開左既蓮花!
我同老婆係呢個公園行到去紅棉道婚姻登記處，其實我真係好想同老婆係可以登記，的確我真係好鍾意我既老婆仔!好!第時就同老婆係果到登記...yeah!
|
