我而家處於一個半工讀既狀態，平日要ive，放左學仲要去屋企鋪頭幫手，其實我真係好累!但係如果我唔返工，我又有咩做?
近排同老婆嘈完一輪，好彩又無事。有時自己真係好大火氣，係比佢激到扯火，真係嬲到爆炸，搞到我一比佢激個時就直接開火鬧人...如果我有好多個choice，我好有可能已經唔係同佢一齊，講真個句呢個世界大把女，識得令人開心之餘又識諗，問題就係溝唔溝到姐...好彩老婆識得做，令我開心返!
前幾日冇意中係上水廣場見到samuel，見到佢一手二手都係書，真係覺得佢冇陰公，為咩讀書要搞到自己咁，repeat中五又讀中五，過左會考上埋中六，倒過來又要再重新辛苦過，真係好感嘆讀緊中六中七班老友，我叫做「脫苦海」，佢地仲係人間煉獄，坦白個句啦，係香港有得提早脫離香港教育已經係一種福氣，好似我個朋友卓卓，做左幾年野，而家人地要玩有錢去玩，要食都係冇問題，幾開心!我點解讀ive，其實都係為興趣，我鍾意車，咪讀車lor!
我可唔可以再支持下去?呢個問題我都好想知，如果支持到既，當然係最好啦!一旦我倒下來既時候，我只係希望有我喜歡既人幫我一把...
|
