上左ive，有好多野唔同左，今日足之領教左中文堂既滋味，都係個句:「唔係呀化?」點解我會有咁大反應呢，其實就係中文堂既授課語言居然係普通話，呢下子我真係呆呆地，坦白講我自己d普通話就唔係咁好，讀中學時都要花左好多時間先至係普通話呢一科合格，而家係中文科，我都有少少擔心...

識聽，但係講個方面就真係好差，我講得出既，其他人係會聽唔明，遲下仲會有oral，死啦!點算...

近排我自己由一個打工仔變回一個普通既讀書人，我覺得讀書始終都係比返工辛苦，返工至少我可以做到下野，有個錢賺下，滿足同解決人生的問題...

上左ive，返學唔再係好似以前咁，住就住個區，讀都係讀個區，返學就腳，唔洗下下都係到搞一大輪野先返到屋企...而家就冇呢枝歌仔哂唱lu，返學係九龍塘，唔好話返學麻煩，就連我落堂想食個lunch都好唔方便，其一係交通唔方便，如果我要食野，多數都係要行到又一城先至食到d平靚正，否則我只可以留係學校飯堂到食。坦白個句，飯堂既野食，可以用「冇啖好食」形容，因為係飲品上，我尋日食完一個西多搭杯冬0T，仆佢臭街一飲杯野第一啖，我就放底左啦!原因係飯堂既冬0T實在太難飲，茶冇味，檸檬唔鮮，set既師傅set到不倫不類，杯野好似有d梅味又唔梅味咁既野...西多士都要彈，我食個時，一篤件多，中間位唔脤，分明係炸個時間炸得唔夠耐...劣作

放左學我多數都會係返甜蜜蜜開工幫我阿媽手，雖則係返完學真係好鬼死，但係唔做野又點得wo?都係咬緊牙關去繼續開工...

其實我係呢一刻為止，我真係覺得自己冇自己有時休息，一味死做狂做，你覺得我唔好放下假呢?