今日去左青衣SBI，玩全人發展計劃個d歷奇活動，小弟生平第一次去青衣ive，真係有d大鄉里出城，最基本我係連青衣係邊都唔知!好在有識途路馬係身邊，如果唔係我肯定都唔知點去...
咁今日歷奇活動，我就有玩一d整體遊戲，更有繩網，咁我覺得繩網向來都好好玩，今日玩個兩part野，一個係空中飛人，一個係高空獨木橋，講真都幾有挑戰性，空中飛人就係企係枝好似梅花樁咁既野，之後大跳過去，上到去個架，就為之成功，當然有人成功有人失敗，有人係驚到腳陣，陣左落黎，都幾有趣!女同學judy係枝梅花樁更加係連企係身都成問題，需要大量教練指示，或者佢真係好驚，另外個女同學玩高空平衡木，佢直頭係驚到暈暈地，不過呢個女同學都係個d讀死書，終日對住本書多過玩個類，係ive返學個時佢都經常睇書，也難怪佢變成一個運動白癡...
到爬牆個part，真係好在有兩個高佬係到挺場，如果唔係成班細細粒都唔知點玩...佢就一次過成班人係60人谷哂上去，果然係厲害...
總括黎講呢，今日既活動其實玩得幾開心，因為好耐都冇玩過呢類集體遊戲，繩網我以前玩到飛碟，當然就好難玩啦!
講下其他野，青衣ive真係好大，大到好似人地個d大學咁，對比起李惠利呢，真係3倍咁大，另外呢飯堂d野食真係好食，唉!李惠利真係要檢討一下!
本來今日想係青衣搵下見唔見到龍水哥，不過都係見唔到，算數!呢個低能仔黎到都係比我串!
另外呢，我真係好怕去青衣ive，講真真係好遠，對於我呢個住新界既同學，經濟上搭車已經係百上加斤，真係攞命...返一次學都差唔多40蚊車費，仲要加埋食飯，當係平平地20蚊，都已經去左60蚊，咁我點係個邊讀ar?AE學系仲話第時去將軍澳新校，我又係仆街，車費又係大鑊!
如果係沙田返學，你話幾好...
|
