電影中既強戰世界，講到外星人侵入地球，又話係地底爆隻三腳怪，呢套戲好好睇，亦都好深刻天氣突然變差個一刻!
係我夢入面，恐怖程度真係同呢個強戰世界有得揮!咁我好記得個夢境，真係好得人驚...而且係同我既生活環境好相似，好啦!事不宜遲，即刻講下故事先!
咁開頭個段係講我係同家明係新之城打機，突然有一陣隆然巨響，我心諗:「嚇鬼咩?」之後我地打打下機，連個地庫都停哂電，黑哂!我就聽到d人係到尖叫，之後走出去地面個層，嘩!整個旺角變左廢墟，成個旺角中心冇左，見到咁樣當然走啦!
突然呢段夢境係冇左!
之後又黎啦!第二段都係好災難性既，已經係講到我同家明係坐火車逃難，見到火車入面d人既衫，已經係爛哂!基本上係一路坐係個火車已經一路傳出爆炸聲，我同家明係坐卡與卡之間個d兩坐位個d位置，一路聽到d爆炸聲係後方傳出，完來係火車尾卡已經著火，但係點唔走呢，因為如果冇火車，就冇辦法走!個個人係架火車係蹲下，只傷既同有位坐既坐底或訓係到!
咁好出奇地火車係已經飛哂站，因為其他站已經係爛哂，得返上水站係仲用得，咁當然就一到左火車站，即刻搵地方走!咁我見到既係上水廣場已經冇左個頂樓，彩園邨、彩莆園、旭莆園，係已經完全冇左，上水中心好大火，名都向前傾就快訓底咁!
我見到屋企個邊仲係完好，咁我就同家明講，不如去我屋企個邊避避先!
去到屋企樓下，見到第二座已經得返半棟，一座又係爛哂，太平邨又係冇左，上官仲係成棟好整齊!到屋企啦!除左d電器唔用得之外，其餘都係好完整!咁我見家明件衫已經爛哂，我就攞左阿b件acu比家明著住先，我就著返自己件sdu，我知道阿b上左大陸搵阿嬌，都懶得理佢咁多!
之後我走入廚房，睇下有d咩係食得，又或者煮得既!一打開，嘩!正豆，真係好多茄汁豆!我當然不留餘力地放哂落自己個karrimor袋到，家明就幫我手將我d行山功具放入第二個karrimor到，見天氣凍，放埋睡袋個d入去!
本來諗住打包走個一刻，突然有架飛碟從空而降，泊左係第二座個頂到!我同家明就商討走唔走好，之後我就話，唔好走住，睇定d先，我地入去廁所，兩個人齊齊手廚房既刀具，我攞左把菜刀，家明攞左把西廚長刀，我再講左句:「有野撞入黎，即砍啦!」家明就話:「砍佢99碌...」就咁樣，個夢完左!
諗返起呢個夢，我係到而家都仲覺得好驚，我仲好記得之前係發過同一個夢，只係之前果個冇咁完整! |
