尋晚，我1點就訓左，咁係好快既情況已經完全入睡，突然間我發夢，係夢境入面，我見到係一個禮記既大約3樓既廁所門口對出走廊既位置，我見到ivy(一位同佢發生好短暫感情既女仔)，我見到佢既樣子係個人比以前更消瘦，短頭髮，而且個人好愁，感覺上佢好似受到好大打擊咁...呢個夢好短，我記得既就係咁

我開始有d諗唔明，我今日返學出門時，一路抽煙一路諗，我同ivy分開已經有段好長時間，但係佢突然間係我夢中出現，我冇諗佢ga wo?咁究竟係咩一回事呢?

ivy瘦得好可怕，我係夢中係嚇左一跳，我諗緊呢位朋友係現實係咪發生d事呢?我知佢向來係學校既人緣都係唔好，夢境係學校發生，會唔會同學校既環境有關呢?佢係比人蝦?還是同老師發生d少磨擦?

如果日有所思，夜有所夢，但係我都冇諗佢，點解又會佢出現係我夢入面，或者睇下今晚再發夢既時候，會唔會同樣出現返佢既影子呢?睇下有冇一d資料可以繼續接住落去先!

而家我好多個?????????????????????

就咁樣，我係califonia渡過左我既「個人萬聖節」，明顯地我對萬聖節冇咩興趣，我冇選擇去落pub玩，我亦都冇選擇係行山(而且都冇假期，點行?)，最大娛樂都係去califonia，呢排我愈操愈掂，可能自己get到d要決!連d推肩都做得愈來愈順...

如果有多個人可以同我一齊califonia玩，咁我就唔洗咁悶!講真有時自己操，真係操到好鬼悶!samuel玩唔夠3個月就cut左會席，家怡係旺角館既會席都冇埋，都冇人同我玩，有錢玩既又係要返工返學，而家入會玩，愈來愈抵，仲要係有野送，我要介紹既我真係建議叫人去玩下!

回想起上年呢個時間，我係frcss識到ivy，可惜一段感情好短暫，或者環境改變左好多因素，佢唔係話太差，樣子方面都係唔錯，我仲好記得當天同佢係粉嶺行街，諗起都開心!唔覺唔覺，我都有好一段時間係冇見過佢，唔知佢而家係frc仲係唔係越野隊既人，以前成日同佢係學校跑，而家得返自己一個係califonia跑，分外冷清...

想搵個同我同道中人係運動勁d既都唔得，天呀!