今年miss chu真係玩麥徑的挑戰，點講呢?我開始覺得miss chu搞樂行d活動，一年比一年瘋狂，不過都好，老手既我當然會好buy佢呢d idea，話哂佢搞今年既活動，真係夠哂火喉!當然我就覺得仲係差d啦!始終新手要上陣，唔可以tune個能力太過過火。
今次樂行活動係搞麥徑第一及第二段，講真個句，碎料啦!我同細佬已經領教過，我係當時係以露營裝玩，當然攞命好多啦!而家係輕裝入去當然係簡單好多啦!
今年有中一既新丁入黎玩，係我見到既中一之中，佢地係幾好，有耐性、傻得、玩得...最好笑今日係咸田，有個中一既新丁居然傻到跳埋落水玩，佢真係搞哂癲!結果佢條褲係牛仔褲濕水既情況之下，完成10多公里既路線...
咁我見miss chu經過一個漫長的暑假，加兩個月幾乎冇操練既情況下，明顯地體能是未於上年既最佳狀態，有體能下降水準及出現肥左既情況，呢個都係一個運動界最弊既消息，因為水準下降，又要花一段時間先bump返去以往佳況!
阿展就一如既往，都係保持水準，幾好既!我幾喜歡阿展既風格，絕對唔會因為落後既參賽者，而花時間係到呆等，反而盡快攞到一個目標，要衝得衝，要留得留，反而miss chu既大鑊飯模式係齊齊共處時間會有好多，但係進發目標上，明顯會令前者士氣大減，因為下下都等!不過要放既話，我寧可前者在target中慢慢等，總好過下下都拖泥帶水地上，好吃力!
我行山，好少會為一少數既人而等，因為我覺得佢地冇盡力，有料唔用，我覺得是浪費時間!不過有d真係弱既，咪等下囉!
樂行，會員水準坦白講一年不如一年，呢樣野係幾可惜!不過冇計，呢個世界打機既人多的是，但運動既人少得可憐!唉!
點講呢，今日行完成個trip，我唔覺得累，雙腳冇累的感覺!
|
