首先，我要講一講何謂柴， 柴係我地平日生活係冇石油氣或者煤氣之前，柴係人類生活個時已經係一個重要既燃燒功具，呢個就係柴啦!
何謂廢呢?廢，指無用，無作為，不能提供貢獻，未能達成目的!廢，有殘廢、廢物、廢棄等釋義，即係話你唔會想再要，又或者佢已經失去左作用啦!
廢柴呢個形容，係形容人地冇鬼用，甚至係辦事不力，令到目的唔能夠達成，仲要令你好嬲，咁係呢個時候你就可以運用呢個句子:「你個廢柴呀!」
有時候人既內心可能都係其為惡毒，想人地死咁，我地可以加強語氣，而且唔洗爆粗咁大罵一句:「你個死廢柴呀!」
好啦!係時候要實踐理論，有一日小明同學問你一d功課既難題，你心諗有咩難呀?咁樂於助人係一件善舉，何樂而不為呀!係咪先?
咁小明將佢既功課放你既面前，原來d野係簡單到出汁，你覺得佢蠢到出汁，咁就大喝一句:「你個廢柴呀!」一言驚醒夢中人，佢識做題目啦!不過佢又有唔識既地方，咁你就忙緊你既功課，係咁比人問問問，好煩架嘛!你又大喝多一次:「你個死廢柴呀!」
之後，小明仲有大量題目唔識，你覺得與其做功課，不如發出你既脾氣，向個好蠢既小明舉起手既其中一隻手指，佢唔識一題就加多一個死字，佢唔識5題，你就講:「你個死死死死死廢柴呀!」
由於小明唔識題目實在太多，你係果個時候，好嬲!而且想搵佢身體作出發揮情緒既作用!咁你就可以講:「你個廢柴呀!」不過由於你係佢本功課拍個頭，想拍死佢咁滯!咁就應該講:「你個死(啪)死(啪)死(啪)....(繼續拍到佢識為止)廢柴呀!」
從此小明佢就好好好留反思個頭點解咁扁啦!
有時候我地拍到手軟既時候，想反轉頭要歌誦佢，有時d人既頭腦石頭咁實，正所謂「點石為開」，我地要以軟攻!
假設你係一個江湖既小混混，你係一個扯皮條，即係馬伕。咁你見到男客人「力有不遞」，你唔可以大喝一句:「你個廢柴呀!」因為咁樣會好傷佢心，你應該唱:「你個無賴~是話你蠢還是很失敗~!」無錯，呢隻歌係鄭中基既無賴，係因為佢叫得已經係人類認為無賴，仲要佢好失敗咁「冇貨交」，經過你咁唱一唱佢，佢就會去家計會check一check自己既問題啦!
相信大家都會明白咩叫「你個廢柴呀!」，多謝各位!
|
