打wargame，打中邊到都唔係最大鑊，最大鑊係打中眼，眼係人既重要器官，睇野wo!一定要保眼啦!
至於男性最關心既問題係會唔會打爆袋，做左eason既take2，其實真係唔會咁易中，因為打wargame多數都係打身，甚至head-shoot(爆頭)，其次係打wargame係有褲同你條under「護雀」，所以護眼先至重點...
wargame其實講真係隨個人喜好著，除左你有入隊，個team好強烈要求你著team既衫，咁就另計啦!講真打wargame你唔怕醜既話知你齋著under就去衝去打，其實真係冇所謂!
講下d軍服大熱門，美軍最多人打，沙三色、越戰叢林、ACU、數碼叢林、沙色叢林、usmc，點解咁多人打美軍，原因好簡單，d野易買，槍易搭配!好睇...平...深受歡迎!
英軍係香港都幾多人打，話哂香港以前係英國殖民地，有d game友都幾念舊，都會買「花雞衫」(即而家香港警察既邊境look)，英軍友有時會反串打埋香港警察，又或者SDU訓練LOOK，呢下子先至係抵死!
黑色軍服，我都係呢個類別，其實有幾種部隊揀，例如SWAT、HKSDU、GIGN、台灣武警、中國武警，多數都係呢d!
俗稱「車房衫」既軍服，例如SAS、美軍seal team城市衫、空軍機師、艦隊甲板服務員、維修兵，當然係最焗啦!
愛靚唔愛命，零願焗死都焗得好好睇睇，有d人相反地齋著tee打，是旦啦!好睇就得ga啦!
護眼，眼有防風鏡，眼鏡，讀理科既同學攞返入lab個副眼鏡都係冇問題，怕爛面mask，驚打到個頭，一係頭盔加mask，一係就全頭頭盔，電單車頭盔個d都冇問題，踩板既攀石既都ok!買真品既隨你喜歡!防暴盔最抵死，可以連眼鏡都節省，打sas既直頭玩gas mask，不過夏天30幾度呢會唔會中暑呢?
咁呢仲有避彈衣，其實都係方便你打wargame!
好啦!其實服裝既野如果就咁講，真係講半年都唔知講唔講得哂，不如由大家去發掘，去廣華街行下應該會有唔同體會感受!
下個lesson會講揀一枝岩自己既槍，希望大家繼續支持!
|
