暗語，為左確定對方是否自己隊友， 避免不必要既自己人打自己人，即係team kill!都係個句，team kill正常黎講係wargame入面都係計死，除非team kill唔計數(呢個情況應該冇咩可能發生)
暗語用法係你望唔到對方，但又感覺佢過緊黎，呢個例子大家可以參考返電影「雷霆救兵」，係高樓狙擊手仲要同時有一家四口個幕，其中有位士兵大喊:「Thunder!(雷霆)」第二次再喊:「Thunder!Otherwise we will get on fire!(雷霆，否則我們會開火!)」咁係講暗語既時候，佢地都係等有回應既時候先至出去。突然間有回應，好遠既一位士兵大喊:「flash!(閃電)」咁係呢個時候暗語正確，會合!
其實暗語可以好多樣化，唔一定只係「雷霆，閃電」，可以諗下其他既!
係設定暗語時，一定要成team人一齊傾傾，當然如果你話到事既可以自己諗諗既，比d創意就諗到。咁假設你諗到一個係「蘋果，橙」，之後就出去打啦!見唔到人感覺到有人衝緊上黎，先向你覺得有人既地方望住，順便用槍喵住!如果佢答:「橙!」咁你小心d自己隻手指唔好一扣就開槍!不過凡事總有例外，如果對方答左:「啤利!」咁你要小心啦!因敵人的確存在，隨時要準備開火!
同時設定暗語既時候，避免複雜!又唔好兩個項目同樣，例如「蘋果，蘋果」，that's not good!最後既係緊記要大聲少少講出暗語...
以下有d暗語可以比大家參考:
1. 超人，怪獸(小朋友一定會睇既卡通片，正負關係)
2. 煙仔，火機(抽煙人士必須品，必須品關係)
3. 槍，子彈(必須品關係)
4. 烏龜，坦克(烏龜同坦克一樣咁慢，擬物關係)
5. 航母，鯨魚(航母同鯨魚一樣都係海洋中最大既，擬物關係)
7. 地圖，指南針(必須品關係)
8. 漢堡包，麥當勞(有漢堡包就諗起麥當勞，對應關係)
9. B仔，涼粉(B仔涼粉係元朗舊墟近排污河既一間甜品店，分拆名稱)
10. 花生醬，麵包(必須品關係)
11. 貓，老鼠(正負關係)
12. SONY，ERICSSION(分拆名稱)
13. 陽光，海灘(對應關係)
14. 餐旦麵，15蚊(對應關係)
15. 吉野家，牛肉飯(對應關係)
16. 勇者，無敵(成語分拆)
17. 沙林，毒氣(名稱分拆)
18. 頭文，字D(名稱分拆)
19. 陳奕迅，爆袋(時事新閒關係)
20. yumiko，甩褲(時事新閒關係)
21. 新城，997(名稱分拆)
22. 尖沙嘴，susie(歌仔:尖沙SUSIE屋企多靚衫)
23. 皇馬，碧咸(對應關係)
24. 拉登，阿富汗(對應關係)
25. 日產，GTR(對應關係)
其實仲有好多既，不妨大家比D意見，又或者諗D幾得意既係呢到留個言，好啦!啦今個LESSON又完啦!
|
