尋日冇意中上到一個類似youtube既影片壇metacafe，睇到一個教人地點樣去做煙霧彈既影片，咁我睇到第一隻就係可以整到有色煙霧彈，另一隻可能係比較常人都曉既就係用煙紙或者錫包住d兵乓波既碎片，當然我同細佬做實驗，有色煙霧彈唔得，兵乓波個隻就得左!

咁有色煙霧彈個隻就係話用鉀粉加砂糖，以3:2既份量去mix，撈到好似花生醬咁，之後呢用sodo poweder都係加少少入去，再加一d食用色素，等一個鐘個mix既野乾左，加棉花同埋火藥引線，點著佢就有煙啦!咁尋日我同細佬睇完之後，就出左去買材料，不過呢就係買唔到火藥引線，咁我地就諗係咁依用棉花加d電油就咁點著佢lor!最後我地做到個形，但係就毫無效果，點樣燒個舊野，煙都唔煙!

第二個做法就成功左，用煙紙或者錫紙，之後用鉸剪剪爛個兵乓波，用鍚紙包住佢地，用火燒個d錫紙位，一點就得左!

咁我就諗過，如果將個d食用色素mix埋入去個兵乓波得唔得呢?不過尋日都已經犧牲哂d食用色素，玩條毛咩?

我同細佬尋晚試過用半個廁紙筒，上下加上錫紙，入面放兵乓波碎，結果就係煙好勁，玩到條後樓梯都係煙，我想如果係玩大d用全個既，我相信條後樓梯會好大煙，大煙可能會伸手不見五指!

打wargame都有見過有人用公司貨色既煙霧彈，不過個d就先進得多啦!拉左保險絲就著左!我地做個隻仲係只可以用火機燒鍚紙位先得!不過我地做個隻既煙比公司貨色大煙，當然未來我會諗點樣加入色素啦!

肥人做運動，向來都係辛苦到無野好講!今日我去califonia，真係睇一次見到咁多肥人做gym，嘩!真係好似軍方個d裝甲部隊遊行咁，我心諗:「比盡你咪做左幾下野就投降!」

咁第一樣玩既就係跑步機，我見到前面果個肥婆，嘩!撞鬼囉!成身d肉係到飛飛下，佢係行ga咋，因為肥人做gym如果叫佢做d爆炸性咁去跑，佢一定會跑到拋錨，死都似!唉!好難諗佢究竟點樣行路!

玩完跑步機，去左扒艇機拉，咁我玩玩下有個女人坐我隔離機，開頭我以為佢要show料子比我睇，超!完來係廢柴既!拉左幾分鐘就收工，由此可見香港人對做運動幾咁求其!

之後去左玩d輕型機，我去操arm位，今次比上次能夠操既下數多左，係一個好消息!

之後去做arm既第二部，即係老鼠仔背後，我估唔到咁耐冇操，都可以保持同進步左，唔錯!

玩完一大輪輕件，到重件!我就玩玩下見到有個肥婆2號去比教練train緊，佢係做緊上舉動作既機，呢d機我唔做得，因為始終我腰骨有問題!咁佢玩到見頭暈，教練都好醒目，即刻比d保充體力既飲品佢飲，又做左少少急救動作，佢好快就醒返!唉!咁肥既人，做少少運動都搞成咁...

所以呢，要keep住做運動，咁就唔會咁易肥，成日狂對零食，又死豬咁訓左，唔肥就假啦!d女仔唔食野做衰，唔食愈多，反彈愈快!