尋晚11點收工，成身都累到真係想行得成問題，咁唔行咪只好對住部腦，休息一大段時間先至再搞其他野，當然我梗會珍惜時間同阿妹一齊係msn傾計!
咁阿妹尋晚都好快就off左機啦!佢就好啦!學校已經大赦早早放新年假，講真香港既學校真係要好好向tiffany呢間學校學習一下，唔好死牛一面頸遲遲都唔比人放，有時仲要將d假期打散搞到你係密密放，放得散，想玩下長d時間都唔得!
尋晚記起今日要上人生首次ive既體育堂，諗起要跑20個圈既時候，我就諗:「死火啦!我家下先至跑完外賣，幾個鐘之後又要係學校跑，我都驚自己冇力跑!」
咁好啦!一朝早起身真係全身乏勁，成個人好似冇力咁!不過如何慘都要面對現實，返學死就死啦!第一堂係electicai commnce，簡單就叫做CE，呢一科其實係講關於市場上既貿易入面，電子商易!我心諗:「呢一科都好讀既?去ebay bit下野都得啦?」呢一科個阿sir極悶，冇法子帶動學習氣氛，仲衰過教mkt既老師，講真讀商科真係好易令人眼訓，其一係悶到嘔!第二係人既集中得半個鐘至45分鐘，講真又有幾多野會真係可以入到人既腦呢?
人生首次pe堂即將面對，係呢個時候，我個人就好d啦!冇咁累，冇咁腳軟!首先就d體育阿sir，其中一個係劉sir，開頭就講下書棟下篤先!之後就分team安排測試身體唔同項目，咁我係咁岩抽中做掌上壓、sit up、柔軟度測試，我第一時間就覺得自己好好彩，我本來諗住今日跑硬!如果咁跑我真係有排都未跑完!
咁round1黎個掌上壓，咁個體適能計算方式係，冇限時間賽，盡已力一口氣可以做到幾多下，我就一口氣做左50下，我諗住班中既同學幾多都係以前校隊或者係運動界既高手，點知連運動比較top既佐治都要輸左比我，佢做45下就頂唔順收手，我本來諗住50下再做落去，不過自己真係覺得累!況且自己已經係入左「優良」既等級，優良19歲組別最少要有34下，我比多左佢勁多下!
round就situp，呢個又係同掌上壓類似，不過做掌上壓要跟bit做，即係聽個d「up、down」，我做到43下，其餘大部分同學都係20幾，30幾就收哂皮!佐治都係得30幾下!
其實呢兩個測試我真係好似電芯廣告金霸王個隻兔，係健身室做gym，其他兔仔都揸流躂之際，金霸王依然都係企硬!或者我今日金霸王上身掛...
之後食左個飯，上埋英文堂就放左學啦!之後我就開工啦!唉!新年既生意係我公司真係好到不得了!最慘係今日我想食晚餐既時間，突然爆左一大堆客入黎，多數都係行完花市，肚仔餓就撲入黎食野，搞到我同我既阿姨同事成10點半先至有得開飯，不過有飯食又點!咪又係做到死咁滯?
最後我12點先至收工，咁我離開公司，咁岩又醒起打比阿妹，順便問下佢有冇咁快訓，好彩，佢都仲未訓!亦都係啦!今日係我第一次成功打比tiffany，亦都係第一次親口係電話叫阿妹，感覺非常開心啦!當然我都想日後可以兩兄妹大家見見面啦!事關呢，我都好想自己身邊有人可以關心自己，其實屋企人比到我既支持唔多，好多時佢地都係自己各顧自己，都唔會點理對方既感受，可以話係冇咩家庭溫暖!何況我屋企已經離左婚，唉!真係覺得自己好孤獨...好彩仲有阿妹係到，如果唔係我真係唔知點過!
|
