尋日好凍之餘，仲要落雨，真係對於訖身鄉郊或者戶外既我，感覺分外唔同，理由係未試過天氣咁凍打WARGAME!
咁今次wargame我同細佬都係首次落場有手槍用，不過手槍作用唔打，因為手槍講真又唔係常用槍，所以呢尋日用手槍既機會率都係好少!依然都係未殺到一個人!另外呢，第一次我細佬帶女友，即我弟婦阿嬌去打wargame，當然新黎新豬肉，岩岩落場打係個d得幾秒生命個隻，所以都係好快叫:「死!」
尋日自己身處大棠，咁用自己既手槍都輕鬆，我個枝係glock17，輕型又好用!冇咩問題...係個夾上彈個下要適應下，用個時要確定一下枝係咪上左彈...有時彈弓上得麻麻，可能新槍落場啦!我細佬督慘d，佢係用colt m1911a1，金屬槍身，由於尋日天氣太凍，枝槍入134gas行唔到(打出黎冇力，blow唔起)，入猛將gas打，係blow得起幾下，之下枝槍實在太凍啦!又行唔到，基本上全日都用唔到咁滯!
.G.S.T TRAINING 做D咩呢?其實基本上都係training一d關於默契，咁我尋日做得得最好係揀位，報位都ok，但係係觀察上就比gary發現同彈，睇得唔夠多，易睇既角度多d!我細佬就真係太過唔夠搏，因為佢行既位置太少經常搞到同阿嬌走埋同一陣線，又或者撞埋一齊行，基本就唔係一個良好既走位，走得太後，其實係要進取少少，跑快d攞靚d既位!同埋經常都係都係死守，可能習慣炮台既打法，轉唔到突擊既思維...好既地方就係好小心行，真係冷靜去處理一個局，同埋真係會死守!
阿嬌佢既走位係幾差，轉位呆左，望得太多二顯露太多身體既位置比人打(比人打到豬頭)，又同細佬炒埋一齊打，糖痴豆打法下場係一鑊熟，呢個我以前試得多，都係一面倒既死法，其實要大家有cover時要保持少少距離，有多角度去互相保護作用，而且係要有突圍，即係反擊!不過好就好在阿弟婦佢開槍夠哂火，真係開槍同你死過個種!我幾鍾意!
jack既打法都係一貫水準，其實佢d計都幾得!
stephen經常性凸左個頭出黎，打佢真係易過借火，同阿嬌既case幾似!走位唔夠小心，好多時一走左出黎就比人開火打!
家明尋日好慘，P90突然之間壞槍，可能上次打SEMI打到彈弓都斷鬼埋，斷彈弓總好過掃齒!掃齒就真係好難處理...咁佢尋日就係用手槍打，都係打得夠火，但係因為冇左主力槍既關係，打得冇咁自然!佢同我一樣都係打得比較被動，不過今次GARY都覺得我地比以前主動左!
孖寶依舊都係鍾意協助人，當然係協助阿JACK啦!咁我覺得佢真係幾好!不過走位又冇開火take cover!唔緊要既，自己行快兩步對方都未必打到你既!
打完game，尋日我同gst一大班人去同阿joe搞生日，阿joe原來今年18歲， 基本上我都係尋日先知，點講呢?我以前都成日覺得阿joe大過我，完來我先至大過佢...
我地去左西九龍商場，入面一間壽師店叫名將食野，46蚊勁食，咁我就覺得服務一般，食物麻麻地，壽司既飯好散，有d仲有嚿飯熱既tim!
咁阿羊同joe嫂訂既蛋糕唔錯，幾好食!
之後同家明一齊係深水步嘉頓搭小巴個時一齊講起個m134，佢話知道枝野係幾多錢，原來枝野係要成20000蚊，之後又講起火箭炮，原來拉登平時好鍾意show個枝，一炮係3000發，我心諗如果將一包米倒落去m249個d彈箱，我都仲覺得值d，至少慢慢打嘛!但係火箭炮一秒之間3000發，真係好唔值!
|
