「敵動我不動」係生活上都有唔同既位置發揮住唔同既作用，我舉下例子先!
例子1:打開門做生意，難免面對有競爭對手 ，對住對家有新搞作，咁我地就睇左人地進行既新行動有冇問題，有問題既咁當然就係好好彩，冇落搭啦!冇問題既當然就係食住個勢上，仲要加以改良啦!(市場學理論)
例子2:同人捉棋，不論有戰略性既中國象棋定係西式既國際象棋，定係小朋友都識玩既飛行棋，都係講求靜觀其變，睇下對手有咩行動，之後先至再做計劃進攻
例子3:揸車，不論係遊戲定係真實既車輛，都係要靜觀其變，面對其他車或者遊戲中既對手，我地都係要保持冷靜，細心去睇路面既情況，先至再下決定上定係留。
講左咁多例子，WARGAME其實都係講緊同一樣既野，因為wargame係要靜觀其變，睇下對手既行動!睇準時機，咪攻上去lor!當然係呢一刻都係一樣係要保持冷靜...
對於敵眾我單挑既情況，係應該觀察對方既行動，自己就可能會盡量減少移動，因為移動會增加自己既行蹤比對方知，咁係呢個時候，睇到人頭就打lor!睇唔到既或者你覺得可以轉位既，咁你就應該轉位打，務求殺得一件得一件!
如果你係個一場係打緊攻防戰，咁你就應該更加要堅定少少，敵動我不動，盡量減少對方發現你既機會，行蹤要低調，堅守防線!
我相信狙擊手既師兄弟姐妹會更深感受，向來狙擊手既行蹤打咩game都要最低調，人人周圍走，你冇理由好似counter-stirke咁，打咩awp場做狙係跳射，根本就唔符合常理同埋邏輯，打既都係等d人衝上黎打鴨咁打!
好啦!今個lesson又係呢到到此為止，下次我會講咩叫做「升東擊西」...
|
