今日返學，好無聊亦都好空虛，無聊在於eletric commce，其實我覺得呢科真係讀黎冇咩用，阿sir講書講到我一頭霧水，基本上而家覺得讀ive真係比以前更hea，更冇去積極咁去讀，有時都係覺得我為咩去讀ive...
咁上堂都係玩，今日就有機會入去電腦室可以上網打下機，又或者上去civiliangunner睇槍，冇意中發現sky同學喜歡既係一枝算係冷門既槍，就係marui開山之槍FAMAS，我心諗市面上唔係多呢枝槍買，開頭亦都諗死火啦!有槍冇夾又點算呢?
另外呢，打理麻唔麻煩呢?因為famas就全金身，比m4處理上相信會比較複雜。第一枝槍打game時有可能會整花，花左就會甩油，自然就會生锈。另外呢犢牛式既槍身，甩夾都麻煩，坦白講我到今日都係唔係好識犢牛式槍換夾點樣先至快。另外呢，維修方面就唔知呢枝槍萬一大吉利事壞左，咁係有冇師傅識整呢枝槍?講真前夾就話易，犢牛連我自己都未拆過，市場上又唔係多人挑戰犢牛式...
其實最大問題係在於sky佢自己本身，因為犢牛式上夾甩夾都唔係一件易事，都係要自己訓練，同埋自己去諗多d!
仲有既係，wargame多數都係用鏈夾，正常黎講，wargame人士要full auto個下多數都係扣鏈係咁掃，不過犢牛式又點樣做到呢個效果呢?要比鏈，下下都要槍向下先至比較方便...
至於我細佬呢?堅持都係一個m4既忠實fd屎，我打比佢同佢講三軍個價，佢依舊都係想買呢枝，1500蚊到!講真佢真係放唔低對m4既感情，我都唔明點解佢咁喜歡m4?不過我自己點解鍾意mp5，始終mp5係我人生之中既勝利之槍，我食粥食飯真係靠哂佢，教槍又係用佢，打game又係佢，就連買槍都係買佢， 咁我又點會放低mp5呢?
旦丁枝m4加m16混合體...唉!真係有排搞，佢一係買過枝，一係就換野，講真枝野都冇咩轉彎既餘地，再救唔係唔得，而係我覺得投資係一枝殘槍上，會唔會唔符合經濟效益呢?換著係我做收槍既人，我都唔會收呢枝槍，講真太殘啦!我寧願佢留d錢買枝槍好過啦!
|
