我尋日同細佬、sky加旦丁一齊去廣華買槍，咁我到呢一刻都係覺得，sky同旦丁都係對槍冇咩認識之下，佢地既思考令我就覺得佢地對自己既budget都係唔了解，sky呢個有錢人士佢就最好笑，有錢玩，但買平槍仲要玩d marui既古董，就係marui  famas  sv，我就諗第一樣野就係，佢咁做即係同賣槍既地方及marui去清舊貨，算!話之佢啦!

旦丁明知自己錢唔多，但係佢就想少少錢買靚野，我就諗佢5000蚊都冇，唔好買靚野，就算買到既又點?裝落去都係一個技術...

咁尋日sky同細佬都係三軍買左自已想要既槍，我地3個ive人又係s-3買到心水槍袋，旦丁同sky又係車中樂買到火牛，我就買到條電!

唉!不過最令人失望既就係旦丁居然買左個d-boys既波箱穀，我心3諗既就係呢鑊出事啦!d-boys呢d國產，大多數個design都係有公差，尋日搵狙擊手老闆長毛四眼佬波哥求助，波球整丁爺枝野都整到黑哂面，最慘既就係丁爺既marui hop up居然唔可以裝返落去，要另買，但係佢又冇錢，我又買咁多cash係手，仲大鑊既係，最好安裝費用都要150蚊，旦丁咁都可以冇錢，真仆街...

相信今次令旦到吸收教訓，平野唔一定係好野，好野就一定唔會係平野，而且一個概念就係唔好以為自己有一小筆錢就可以為所慾為，因為咁樣通常都會超支!我買野一定會去搵價，搵價就自然格埋價tim!

近排有大量人買槍野，包括我在內!旦丁雖然有槍，但係佢想執好枝槍，其實佢既case唔難搞，不過呢佢就始終年少氣盛，要包裝多過要實用，佢係打算將自己枝M16加M4 MIX，變做M16A2 with M203 Large Lancher，我心諗...打wargame係woodland打就冇問題，不過一落迷宮、CQB(長火開SINGLE)、窄巷、入屋、戰壕，全部都係甚長既槍弱點，旦丁高但係靈活性欠佳，體能麻麻地，仲叫佢揸咁大枝，即係直覺已經反射比我知，咁樣會搞到個人好鈍!

M16A2咁大枝，其實靈活度就真係欠佳，以前美軍打科威特或者波灣，個時科技冇咁好就話用呢枝野，但係到打北非索馬利，美軍依然仲有用M16A2，但係已經大多數比M4A1慢慢取代(睇black hawk down都知咩事啦!)，到左今日M16A2係美軍黎講已經係絕跡，講真笨重既身型，加上又重又唔靈活，邊到仲有得加分?所以美國佬真係醒目到將d「軍備垃圾」而低價賣比泰國、菲律賓、南韓、臺灣，仲有一d比較貧窮既國家...

其實M16係waregame亦都係同樣，講真咁落伍既槍，係時候縮身好d，旦丁來來想變返長，好彩比我靈機一捉，SR-16!

估唔到旦丁到都喜歡SR-16，原來都係SR-16佢既摺疊式後準星，雖然我已經教定佢已經唔好再買槍，因為枝野行得，無謂浪費，正所謂「食得唔好哂!」咁只要做返d簡單既修復工程，買返少少零件，其實就已經用得返...

好啦!我諗都要睇聽日個情況係點啦!