近排又將會有一枝國狗，面臨死槍既威脅，原因唔係常見死槍問題，即係壞波箱、掃齒、掃天梯、爆彈弓...呢d都未算係大問題，都係一般內傷姐!但係外傷就多數都係會考起國狗，其一係國狗唔會有咁多外裝件可以比破爛既地方做維修工程，簡單d講，有槍爛左冇得整。

我老友豆漿，佢有幾枝槍死係佢手上，包括一枝手拉狙、mp5k、shotgun M500...基本上，佢有咩槍就死咩槍，每枝槍都有「獨當一面」壞既地方，現時未壞槍既人，我相信都係冇邊幾個枝槍可以衝出5年既關口，人地日本槍都仲可以支持到10年，國產槍做到呢個條件?唔好講笑啦，現階段我好多朋友，包括埋我自己，枝槍打到10場都已經係奇跡!

其實國產槍係wargame既市場依舊係有潛在既能力，雖然到今日為止，國產既品質依然係未達到耐用到高既水平，但係對於年青一代，岩岩進入wargame界既時候，多數都係會幫襯呢d公司，原因係好簡單，因為年青人錢唔係算多，但係又想尋求wargame既刺激，日本槍實在係太貴啦!所以就買國產槍，國產槍比較平，因為國產槍製作粗糙，而且質料唔及日本槍，所以平價售出。

另外一方面新手打wargame邊會識咁多?新手打wargame，多數都係見有槍就買，有mask就用，唔理好醜但求就手...

結果同一歸路，國產槍一日唔知會死幾多枝，新手對住枝爛槍慾哭冇淚，對住枝槍又冇得整!但係日本槍呢，10年先死一枝都唔出奇 ...仲要係死槍最多咪整，講真日本槍唔愁冇得整，一落廣華街枝槍唔仆街，就係咁!

有時d玩家喜愛國狗，我就諗你買國狗，即係比錢買難受，買一枝死一枝，個頭買完個頭枝槍歸西，玩幾場就死槍，不如唔好買，我以前買左枝國狗mp5，唉!容易爛野，最後連全外身都爛哂，真係前世唔收...

最後提下大家，錢你可以賺返黎，唔好因貪平而買國狗，我見到已經5枝國狗死槍既消息，亦都唔想大家仲買國貨，講真平野冇好野!

我既工作就真係好簡單，就係送外賣， 我返工既工具不外乎都係單車一架，咁單車自然係有機會去飛下車，我好鍾意係開工既時候揸住架車仔周圍飛，感覺好爽，原因好簡單...講真我既崗位係外賣，邊有人想做咁多樓面野，講真人工唔多仲要人地做咁多，呢d真係唔抵做ga!

今日唔知點解揸車突別快，我更加係完全無視差佬既存在，就算佢係條街行緊「必」，我都懶理，一take過飛走!今日有d雨，其實係送外賣都有危險既存在，始終好難講會唔會有炒車既機會，當然我呢d真係5歲已經識得飛車既我，多數都冇問題!今日飛車最好玩都唔係玩快，而係借地濕玩飄移，入彎基本上多數都係用呢種方式過，不過咁玩有時都驚玩爛公司車!講真一架淑女比我咁玩，而且架野日日都係投入服務，基本上都係年中無休，其實而家公司架車服務左公司咁耐，壞車整車我都面對過冇數次，真係唔知架野幾時會死車，所以我而家都只係希望我自己開工既時候，架車依然頂得順，唔會反車...

最有趣既係今日同細佬一齊開工，講真我細佬處事不論係屋企定係出面都係好冇定力，有時工作上我覺得真係要比多d信心自己，講真做野係要搏d，咁樣先至可以係比同事或者老闆覺得你掂，老闆加唔加你人工都係其次，至少係工作上唔會比人點到你傻，我係公司做左間間斷斷既時間都接近一年，對過好多拍住我一齊既同事，我就覺得佢地真係搵錢搵唔happy，因為呢佢地經常都係hea，一hea就比人罵，比人罵又話唔撈，咁又點會比老闆賞識呢?

今日IRENE請我飲許留山既野，雖然佢請，但係我唔會話買D貴既野，講真佢係半邊老闆娘(真正老闆娘當然唔係IRENE啦!)，對我又唔係差，有時好到不得了，食蛋躂、糖、西餅、pizza...我係許留山買左兩杯蜜瓜蘆筍爽，夾埋23蚊(唔算過份啦?)

如果有得揀比我係轉工，人工接近，我諗我多數都係留返係鴻利，講真老麥比我都唔做，22蚊唔包伙食，就算包都係包個d老麥產品，講真邊有人會咁食ga?咪又係出去食...但我唔同wo!20蚊個鐘，遲到唔扣錢，早午晚叫野食唔緊要，我今日就真係食足3餐公司野(d味精吸收左好多，油都多，好在我係工作=運動)

我好想而家再去大美督飛家庭車，講真最有真車feel，非佢莫屬ar!