正確姿態，對於真實槍械黎講，係非常重要!原因好簡單，槍有後座力，無論任何大小，任何長短，任何口徑，都係需要正確姿勢，否則後果係有幾個，1,手持不正確，後座力將令槍上飛，槍反彈拍中面(面部見紅);2,被槍托撞傷鎖骨撞斷，手臂甩絞(要睇跌打或者打石膏);3,腳欠缺「紮馬」，持槍人開槍後倒地(訓左係地下)。
點知自己姿勢岩唔岩?首先最好有面鏡，最好長鏡去照自己，如果揸槍揸到連自己都覺得古怪，咁好明顯你錯啦!第二係舒適，揸槍揸到自己腰酸背痛既咪又係唔岩lor!做到「三眼」，自己隻眼，後準星及前準星可以成一直線，就係岩;腳，唔好以為前後腳企係岩，其實係錯。
站立係人平面睇係A字腳企，腳微微輕曲，有紮馬既，身微傾前。若右手持槍，槍托貼住「格甩底」以上扁左，胸肌尾端貽緊，而唔係好似rambo咁，用「格甩底」夾住，呢個姿勢基本上是不可能發生。另外手位方面，右手持槍者右手持槍手柄，左手持手攬位(彈夾再前d，後夾式槍跟前夾式一樣)。右手同左手都要座手爭，因為你唔係髮型屋師傅，人地起手爭係為左增加效率，亦係高手既表演，你更唔係泰拳明星tony jaa，唔需要起手爭打人。膊唔應該收緊縮起，應該係要保持放鬆。
至少有時要蹲下既時候，其實上身亦同樣，只係腳有d改動，右手人既左腳帶弓，左腳起右腳座，左腳直90度，右腳座90度。
甚至有時係趴射(狙擊手較多用)，身體係趴係到，手持槍如常，反而要主要既就係身體要盡保持伏地，唔好谷背又或抬頭。
至於趴行，手要放棄ready開槍既姿勢，轉為交叉手抱槍，借手爭做支點爬行，腳一般咁上下伸縮撐出。
當然行走射擊，其實都是跑住上，當然都要保持重心啦!至於貼牆射擊，要依賴你既腰左右擺動!
甚至有人問，持槍會唔會中途好似右手轉左手，其實係基本上唔會，除非一個可能性，就係例如戰場你右手不幸中槍，咁係呢個時候，先至用左手!不過wargame係一槍死，點會有交換手呢?
|
