近排好多野都採用左光纖，上網、電話，就連屋企總之有關通訊既器材都可以光纖，我都覺得幾得驚訝既就係，點解一條魚絲既野，但可以咁勁?

現時好多槍，大多數都係hi_cap槍有用呢個光纖技術，咁呢範圍都幾廣泛，但主要都係glock系列、hi_cap4.3、hi_cap5.1，當然仲有比賽專用既氣賽步槍、氣賽手槍...

老實講，你話個d準星係咪真係比光纖，我唔知!我覺得同一般係街d耳環店見到d耳針差唔多!

不過呢加左光纖準星，的確係令我覺得係幾好睇!但我亦都諗左另一個問題，夜晚打game既時候，咁黑又睇到d咩呢?

實用呢家野，見人見智啦!準星係光纖、魚絲定係粉絲就真係唔知，但我就知呢d準星一粒都唔係平，不過就有唔同顏色供選擇，呢個未嘗唔係一件好事!想同枝槍靚靚既，不妨考慮下!

ive向來都好free，我今日上電腦堂，同sky，旦丁加beniel一齊坐，一齊做網上功課mc題，咁當然梗係有得翻check啦!有得翻check既情況，仲唔一齊煲answer?講真呢d野梗係快快做完快快走，升班幸福，放學打機任篤!

咁我地4個一齊做，直頭係fix死每人分開abcd黎撞answer，第一次一攞到result，即係報答案，7分鐘落堂!

之後我同sky，旦丁去左旺角廣華，又係睇槍啦!不過睇得多都有d悶悶地，講真我都係想打game多d!sky就不斷係到將佢枝手槍改改改，我都唔知有咩好講啦!事關改手槍都好少人係香港會咁玩，坦白講好多人打wargame都係foucs係長火!

咁今日有一樣野令我覺得最扯火既係，有個伯伯同佢屋企人一齊行廣華，咁個阿伯就事件既起源，佢就大聲話:「企就企入d啦!阻住哂!」態度極為冇禮，不過佢家人，包括阿伯個女同埋阿伯個太太都有同我道歉，咁件事就咁平息左，不過個刻真係想一拳打到個阿伯入廣華醫院，但係換過頭諗我打個阿伯，我係有氣有力既青年人，佢係一個老弱既阿伯，就算我真係打到阿伯趴係到，勝之不武!

另外呢，sky同丁就買左吉打既眼鏡，220蚊!不過就唔係我細佬個隻C2，而係C3!佢地就好快手咁去左廣華訂做埋度數鏡!叻仔!

而家更有打算希望係李惠利搞返係李惠利既代表wargame team!希望我可以帶埋丁仔同sky開創到呢個會!