今日我同sky係12點幾個時走堂，事關我同sky都係覺得英文堂好冇聊，反正自己都仲有咁多位走堂，唔差在走多幾堂!
旦丁唔跟出黎，佢掛住打monster hunter，唉!我覺得MH冇咩好玩，呢d咁既育成遊戲，我真係冇咁多耐性去玩，玩呢d game，不如我投資20蚊打灣岸...
我同sky今日係約左silver係lamhang等，我地三個係個間食burger既地方食左個lunch，35蚊一個burger，有一個薯條同杯野飲，咁我今日揀左係飲morca coffee，真係好飲!至於個burger我就覺得都ok既!好大個，但係食我唔飽!
之後同silver去左廣華睇槍，silver話想用MP5，我就覺得幾好!講真真係任何人都岩用，不論小朋友定係阿伯!佢選擇左mp5a5，我覺得都幾好，不過我就鍾情mp5a4!有時就諗起d wargame界既朋友，我見過d朋友揀左枝槍係夾唔到自己個人，槍好多大枝，個人手力嘛嘛!攞到枝槍不知所謂，我覺得比人感覺唔pro!
sky今日都係搵埋d浮誇野，我心諗枝槍比你改到好似gundam咁既款，又點ar?講真玩槍唔係咁玩，坦白講wargame著重技術同埋思考，其實唔係太著重你點樣包裝枝槍，你著成點...人地又理得你點ar?講真著到拉登咁既樣又如何?打法照樣，作風依舊，唔會因為你點著而覺得你點，而對於你既打法有所針著!就算你著得幾好睇，打得欠水準，最終其實好易成為笑話!
silver就話想加返d紅點鏡，感覺會幾好!但我覺得加黎都冇用，因為wargame玩既始終都係玩具，唔好抱太大期望係枝野上，講真會有幾遠?2焦耳內既玩具，又點會同40焦或以上既實槍實彈呢!加枝鏡係到做咩?有幾個理由，1.哂命2.有錢人既玩意3.美化作用
至於silver個fd 阿帕就舉旗不定!佢連自己用咩槍都唔知...佢係高類型既人，長既槍佢用唔係問題，但係見佢唔係fit個種，都係較為書生feel，如果揀M16都唔係一件好事，因為揀槍有時要諗打GAME唔係打幾分鐘，而係一打就要打成大半日，要諗既範疇其實好多，例如屋企可唔可容納呢枝槍，你有冇咁既能耐去托咁大枝野(事關都幾累!)，仲有呢方便擕帶性!講真大枝到七彩既，出屋都成問題既咁又點同你去玩呢?有d人就以為自己真係好大隻唔洗驚既心態，點知打game要托住枝槍周圍去既時候，埋怨枝槍重又大枝，就屌哂鬼!我心諗早知今日又何必當初做d咁蠢既事!
初學打game既人，往往都係比cs既不知所謂玩意，搞到d人下下都玩狙，講真玩狙係咪真係可以遊戲咁先，跳射?盲狙?利用直覺開槍而喵頭都省下?唔好做d咁既蠢事啦! |
