自從分手後既日子，我都係過得好唁開心，加上長期屋企人戰鬥，同埋平時返學所遇到既煩惱，所以我咁多個月都冇咩點開心過!
其實一路以黎我都係好想搵返一個自己喜歡既人，例如好似ka!欣咁...不過大半以黎，我同佢表達過，但係都係毫無起色!我都有有d覺得失望，甚至我想放棄，預期係冇結果既事，不如我花多時間係其他人身上!
近排我識到一位網友小穎，同樣地我同佢都係遇到好多感情上既阻礙，係呢個時間，我都覺得同佢係一齊傾計既時間係最開心，話哂都同聲同氣嘛!呢段時間，我好似同佢走近左，亦都對佢有非常好既好感，自問亦都想有追求既動機(希望佢唔好介意我咁坦白)!其實我想搵既女仔就係好似佢咁，為人開朗、運動型、玩得、積極、對人好好...就係咁簡單
我對佢都幾大期望，因為我都覺得佢同自己都幾夾!講起佢，尋晚我同小穎由12點傾到成3點，呢段時間同佢一齊搞gag我好開心，其實要令我開心係好簡單，我唔需要實物既禮物，而係一份開心既回報!
當然目前十劃都未有一點，對未來都係好多未知之數，我亦都擔心自己做左小武(十分愛入面，腦癌果個)，我既意思唔係話我有病，而係想講我想得到，而唔係做一個追隨者，講真邊有人想比人話自己係一個觀音兵!我覺得「十分愛」入面小武好慘，最終到死個一刻都冇辦法得到自己喜歡既人，就好似畫家咁!死左既畫先至值錢，梵高畫家一生為藝術而犧牲，但死後先至被人明白佢既畫作，從前佢既畫一文不值，今日佢既作品先至係成名作!
今朝早我特意為左小穎而早d起身同佢msn，我唔介意為佢花幾多時間同精神，鍾意人又點會介意呢d少少既野?
習武令我化解暴淚既本質，而小穎令我化淡以前感情上既傷感!
尋日同細佬練習，都係雙刀對雙拐，唔知點解覺得自己打得係有目標，比以前更積極!或者有小穎為目標啦!
尋日同細佬練，我攻得入，仲可以做到好多可以致命既一擊，當然我同細佬都係各有輸贏啦!但最估唔到同細佬單刀對決，居然我嬴左!好開心呀!
|
