wargame係冇分日夜，日頭有日頭打，夜晚照樣都係冇問題!當然夜game都係需要一d技巧!
夜game同日game有好多野唔同，例如能見度、霧氣、打法...都係有所唔同!當然夜game既危險度比日game更大啦!
夜game最基本要有一枝輕便而有強力光線既電筒，當然如果要好既，我會介紹購買G&P既6P電筒，其一係光度強，成本低，購買簡易!最重點既係，G&P既電筒都係可以跟埋鼠尾一齊用!如果你係MP5A4、A5既玩家，可以去買一個G&P出既電筒手攬，價錢都只係340蚊!
呢個手攬係DESIGN上係安裝非常簡單，首先將MP5既手攬PIN拔出，將手攬後推令個攬出埋黎，拍個電筒攬上去，穿返條PIN，搞掂!而開燈佢係有跟個手攬鼠尾位，輕輕一按就著燈啦!唔洗買MOUNT，唔洗諗安裝麻煩!
而打個時就有好多野注意，其一係初學者wargame既人士唔好參與夜game，因為夜game係比日game既危險性挺高!另外年幼的玩家同樣不適合，因為夜game需要玩家體能較高，有可能令小玩家體能未能應付!最主要是夜game難度高，對於大量有經驗人士都是一大難題!
其實夜game建議就是參與活動前盡量減少體力勞動!因為大多數夜game都是打通宵， 如果太累、冇食晚餐、有拉傷肌肉，都是盡量避免參與!夜盲症更加唔洗講...
至於打game當中，夜game叫「死」，除左大聲叫死同埋舉手之外，記得要閃燈或長著燈表示你離開戰區係已死人士!
而玩法都是同樣，一槍死!當中會有人係「電筒手」係唔同角度search敵方出沒或埋伏既位置，當然見光就試下開火攻擊啦!又或者你可以選擇借佢提供出黎既光望一望周邊有d咩，當然希望借住機會去攻其他對手啦!另外呢!打夜game好忌發出d增加自己暴現既聲音，除非你係肯定個形勢受到控制，否則都係「聽聲打」!電筒方面，唔係有用都唔好開燈!開槍前做個confirm先至開一開!
抽煙人士有時會係打game都會抽根煙，其實唔洗怕夜game食唔到煙，其實只要枝煙點火個時係低處，抽既時候又係火頭向低都係冇咩問題!不過盡量都係少食為好，始終都係光源一種!
除此之外，夜game通常都是建議大家著護膝，原因好簡單，夜game好難講會唔會行行下仆地，有護膝就可以保護返個人，跌得金既，最多都係枝槍爛，但係個人洗咁傷!至少你仲有命可以繼續你既人生去玩wargame!仲有另一個原因，係夜game經常都係埋伏居多，跪就真係跪到腳仔軟，有護膝唔洗跪得咁辛苦!
我其實係打夜game既知識都係有限，此終我都係打過一次實戰!其次既係同朋友係青衣打ii，當然打ii壓力更大啦!
|
