今日我好早起左身，因為今日我要好早去屯門大會堂做搬運既幕後工作，原因係今日屯門大會堂演奏聽有表演!咁就係中學野黎既，有屯門官中、北區區隊同埋九龍區隊，當然佢d水準真係唔錯既，佢地今次表演就係係管樂團!比我預其中係水準係好，不過觀眾真係少左d，始終我覺得個d觀眾都係表演團員既親朋戚友。
咁今日既呢份散工比我預計既係簡單得多，咁我以前中學係中一、二係戲劇學會既場務，中二個時就升左係場場務既主管!當然啦!自己唔係好悶得，想搵一d突破比自己!我揀左樂行，做珍珍(我老師)既門下既弟子!
場務工作好簡單，都係負責set場，放d器材係咩位，最緊要都係快!就咁樣我呢返工8個小時咁就有180蚊袋袋平安!本來今日旦丁跟埋我出，都係個句:「逃唔出屋企既魔掌...自己仲係未大個仔!」
之後我6點收工，咁係個時我最愛既公司又係呢個時候打比我叫我返夜更，咁我當然話好啦!難得有工開，自己錢唔係多，幾大都去做啦!反正自己又唔係累，做場務得閒到不得了，我仲可以係後台出口「充充電」，不過千祈唔好學我，因為我呢個行為比康民處捉到都幾麻煩!
另外呢，我今日返鴻利，真係爽!完全唔覺得辛苦，仲好開心!講真我同事豬欣係咁比人串，呢d就係弱者係一個工作環境都係到係咁比人搵笨，真係覺得有時係咁佢真係好撚蠢!又有時冇啦啦自係係到傻笑，唔比人玩就出奇啦!
講真我公司d同事有d都覺得佢難頂，我何嘗唔係?佢係咩都笑一餐，40歲人啦!但仲係好似小朋友既性格，好聽d叫單純，唔好聽叫白痴!
基本上，今日我公司上上下下都冇個正常，連我老闆都傻傻地，成晚係到搞爛gag...我既老闆娘，即係老闆個妹，又係到搞gag，豬欣不嬲都比人笑，廚房大師兄就成晚都係同細師兄係到搏殺，佢地炒送個樣冇咩野，但係煲煙個下又係到笑...或者鴻利呢間公司，做到d員工同老闆都冇個正常!
點講呢，今日返兩份工，雖然錢唔多，但係勝在開心!始終讀書比唔到我呢d成功感!始終我一向讀書唔好，冇咩成功既例子，搞到個人真係有d冇心向學!不過叫我學d真係同生活有關既事，我真係會好開心同覺得活得充實!
|
