咁呢我呢排有比較多機會係公司返工，而我呢排就已經比公司安排將快係有外賣升上去樓面侍應!人工會加幾多我唔知，但係我要既唔係多幾多錢，而係我想學多d呢一行既事，其實我鍾意飲食行業，因為我覺得飲食行業係有好多道理係入面，有好多野好值得去睇去學。
尋日，我同事阿波同埋佢個妹一齊返工，佢地兩個真係幾似樣。不過當然係阿波d功力深啦!不過我對比返阿波個妹，當然我深d啦!我送外賣、樓面、收銀、洗碗都識，況且我都係一個前朝太子，所以我公司都幾鍾意我係公司返工，最主要係唔洗點花時間去教，因為我本身係識做，不過論背後點解我識做，都多得鴻利以前十三姨請我返黎，Irene花時間訓練我，校長唔介意我以前多做錯野!
而家幾個新同事，有明叔、阿德同阿潤，阿叔做野嘛嘛，佢做外賣就一般啦!不過就經常錯數，好多時都要我去埋數，先至知錯幾多數!
阿德係我現時最欣賞既新人，阿德最肯學野，野唔係識得多，勝在肯學肯做，佢真係好乖!阿潤就嘛嘛，經常唔記得地方，想起當時，我用左一個星期己就已經識得睇地址、有d咩外賣食既飲既!而且大部分上水地方都識得去!
當時我公司最開心既係，有一單外賣係去曾梅千禧小學，咁公司冇咩邊個人識去，我就係第一個識送去曾梅既人，不過去呢個地方，都唔係一件簡單事，因為單係去，就已經係用左15分鐘，仲要又上又落!
我係公司最唔欣賞既係太子仔阿恆同太子女阿霜，細佬阿恆冇返學冇返工，每日冇所事事，又唔幫校長手，講真校長晚晚都好辛苦，太子女都係，話就話返學，其實實際係去拍拖，佢有時係公司都係係老豆個水吧攞野食，我知道佢唔係比細佬食，係貼仔食!其實我覺得到校長退休個日，兩姐弟就會繼續呢份產業，即係話係唔係都係佢地兩個挨埋落去，講真佢地兩個功力唔深，阿恆係做得好過阿霜，因為細佬做係識得整米線，係絕對有能力頂到老豆個位，阿霜就多數係樓面，收銀就冇咩問題，至於佢既能力去到邊，我就真係唔知，但係佢唔係好識寫單!
|
