尋日我又去左sky屋企習，不過我就係習武之前，我同sky去左旺角魚仔街行左一段時間，我同佢買左好多條彩雀，我買左兩條，佢買左一條「將軍」，一條母魚，一條普通野!我就買左兩條，一條10蚊，一條8蚊，咁我就本來諗8蚊貨仔可能冇10蚊咁打得，不過出乎我意料之外，我係屋佐放兩條打，居然兩條都係差唔多水準!
咁我去完買魚仔，我就去左sky屋企練習，不過我就又出左d意外，係第一場同terry對打，佢唔識用力，我見到佢眼神係好似想封喉，而且佢真係想刺埋黎，咁係咁危險既情況我退後左，佢居然收唔到腳，仲向前上!不過呢我下巴就當災了，比劍刺傷，不過我可能比人打得多，我居然唔覺得痛，呢下問題先至得人驚，傷口對於好多人黎講會得人驚，但我會覺得冇咩事，只係洗左d血，皮膚有裂開既情況!
咁係sky到學到唔少野，例如反應、提腳、強化飛步效果、攻擊既出擊率之類，睇落好似好簡單，其實係一門好深既學問。反應係要睇對手既肌肉運用，其中一個重點係唔好比對方睇到自己好強烈運用氣、勁、力同埋思潮，呢d係我暫時得知既答案!
去完sky個邊，我就一路都係等一位前前度女友阿塋既回覆電話，唉!本來係會有時間會下佢既，不過最後都冇，我個一刻係到諗，自己連約會一個女仔既時間都咁難，咁仲點講拍拖呢?
返到屋企，都係pack wargame野!之後食個飯就訓左啦!
一朝早起左身，見到窗外陽光極強，不過有陣雨，呢下子真係幾有趣!我執好哂野，之後就出左門!
出到去粉嶺會埋jack同埋高佬，阿jack今日輕裝，而高佬今日我亦都覺得佢幾有進步，佢有防暴基勒盔，有枝G36C，其實係一件好事，我覺得佢有心去玩wargame!
silver同帕gap今日表現都其實有d令我失望，silver係好多時一開波就已經出局，我心諗如果認真去打一場wargame，我覺得可以做得更好!出場聽雞聲要聽得準，成日傻衝，應該要比多d思維分析返場上既情況，又要隨時都吸收資料，睇彈向、風速、陽光、環境、聲音、步履等，一個動作有好多唔同既效果，但係自己做左一個動作，就會改變左好多事!
帕gap係我最火果個，佢居然問我點行，我教左佢，比左好多指示，但佢都係聰明到行埋去我個邊，咁我可以咁講，有帶人有帶槍，但係弊左冇腦呢!
樂仔係我最欣賞既小朋友，全GST最細既隊員，但係佢係最夠薑既一個，打攻防VIP戰，我係打防，見到佢係老遠係場上狂跑，雖然技巧唔及d師兄好，但係呢佢唔怕死，好夠勇氣!
joe同jack都係我GST同門既兄弟，亦都係一個好對手，今日我同JACK打到最後一刻吹雞完GAME，我係個幾秒之間拔槍之後向佢開左4槍，最後係中左，我做個下由拔槍到開4發都係用左10幾秒，估唔到咁樣會激發出一個潛在實力!我諗起都覺得自己都覺得好得人驚! |
