尋晚訓教個時，我養個條彩雀魚已經出現唔尋常既現象，例如佢呆滯，游水完全唔起勁，比手指佢望，但佢又完全冇反應!

直到今朝，佢已經過左身，雙眼發白，而且完全係冇生命跡象，我好簡單一望，就知道佢完全死亡!而死因好簡單，因為前日經歷完激烈既打鬥，而牠受到重創，例如尾部、下腮、頭，全部爛哂，而且有發炎既跡象，咁我亦都好慶幸，我有比藥水「魚救星」，拖延左佢既生命，讓佢好好活過餘下既時間，總算呢條魚過快樂，我比左佢好鍾意食既蝦米，有好既戰鬥!佢冇白過佢既生命，活得精彩!

不過牠的離世，令我覺得好孤單，例如係平時我會放佢係電腦台，我打機佢會好好奇咁望，我聽歌佢會游黎遊去，幾開心ga!

或者我會買一條佢d兄弟，不過我希望買新既一條，依然有佢老大既活力!

今日我帶埋細佬黎青衣，都係練武!簡簡單單既今日，天氣好好，日光充足而且都幾熱，咁習武呢細佬同sky，我同旦丁打，sky今日用劍，唉!sky用劍簡直係兩回事，始終佢獨愛櫻槍!sky佢今日對我細佬都比細佬界到隻手!

我對旦丁呢，可能大家思維好似，大家用既武器唔一樣，但係做既野好似，攻擊同防守既方式接近，所以我同旦丁打親都打好耐，而且好多時都冇結果!

之後細佬要早走返學校練夾band野，我同sky同埋旦丁上左山，由長命斜直上，直過3個山頂!的確係幾刺激，而且一路行令我都以為有上就有落，原來唔係既，一條路直爆3個山頭，對於我黎講咁樣行山路直係爆大冷，不過我好開心!因為呢d青衣特色，我好鍾意!青衣既山，好多綠色既樹，而且唔係細棵，回望返新界d山，山上面樹冇咁綠但係有到好既係草好舒服!

咁今日令我最開心既係，旦丁係咁漫長既山路都挨過左，我好欣賞佢既毅力，講體能佢係比較弱，但係佢挨得過!我覺得佢唔錯，對於我黎講呢d山碎料!

今日係回歸日，我其實好想回歸拍拖既日子，有拍拖每一日都變得美好，至少時間會好過d，開心d...