呢幾日我返工，見到好多唔同既野，例如我遇到一個態度唔好既客人，去到雞兜送外賣比媽媽生叫我幫襯，甚至我踩住一架無氣無制既單車送外賣，更加係面對住疲勞既問題，我有好多野都好意外，亦都估唔到自己挨過左...
尋晚我遇到一個態度好差既食客，我同事豬欣做野都係嘛嘛，蠢蠢傻傻係佢既經典，不過個位小姐仲係到話:「搞錯呀!d野咁耐都未黎，連細佬杯檸茶都未黎，呢個阿姐(豬欣)又聾既!」我心諗，你地一家人食飯，要唔要係我地公司鬼殺咁嘈，有時公司處理d野食慢左，咁忙都辦法!講真做你生意，唔一定做你心目中100%好，但至少我地可以交足貨，而且d野食得落!
有錢唔代表大哂，冇錢就萬萬不能，做你生意，都係可以做可以唔做，即使你有咩唔滿意，投訴上去消委會，咁又點?你既投訴會唔會被人接納又另一回事，分分鐘比人話你傻!
送外賣送去雞兜，個媽媽生直頭叫我入埋去，本來我唔想，因為我既工作只係需要送件同收錢。咁佢叫我入黎，我又唔係幫襯，咁始終係好似混吉咁，雖則d女仔真係幾靚，身材亦都唔錯，有樣有身材，不過呢d唔係我想要既野，講真比左錢要有一個性既娛樂，我覺得冇咩意思，我零願拍拖去搵一個自己喜歡既人，再有性既發展，慢慢都未遲!媽媽生講左句:「第時叫埋d朋友仔上黎玩下」呢句我真係o左嘴，亦都係我個陣時同sky傾緊電話，sky都聽到個下先至好笑!
而無氣無制既單車經常都遇到，我都覺得好激氣，點解公司唔積極少少買架好少少既返黎，唉!老闆真係...
講下今日d野，我今日就好開心又有練習機會，我亦都因為咁，今日心情不錯!我係魚仔街買左條「彩雀」，10蚊!顏色唔錯!
去到sky屋企，我就已經好開心咁準備習武既心情，我亦都係呢個時候，同sky個條魚對打，當然佢買個條好打啦!
咁今日上山，天氣極度炎熱，個個人都打到成身濕哂，講真太熱，我係咁多個人之中活動最多既，又要跳又要走位走得快!我今日學左咩叫呼吸，呢d野做gym學一世都學唔到!
另外我到呢一刻都係諗緊，咩叫「出其不意，攻其不備」，呢個係sky係教我飛步個時講比我聽，當然我都係諗左呢個野少少!我知道冇一定既答案，但就有一定既定律!
|
