今朝早好早就要出發去sky屋企，咁今日主要都係練武，我就覺得今日幾有得著，可能環境影響左，我今日唔洗係一個濕爆既地下苦惱，而係係一個乾地打，感覺當然好好多啦!
今日有特別嘉賓gary係到，gary即係平時同我一齊打灣岸果個，咁佢咁岩識跆拳道，咁我可以領教下一d跆拳既力量，咁我地主要都係打武器戰，咁gary係揀長棍，的確我覺得幾岩佢既，咁原因係佢真係有興趣，而且佢就真係有心機去打!
咁我今日都有好多時間都係處於不錯既地方，例如係我打既時候，用飛步跳步已經係唔再覺得有吃力既地方，返而會用多左!另外呢，我就係今日既時間同旦丁打最後一場既時候，起初我地兩個打起黎真係冇咩火，因為大家個戰意未到，但係sky話比多10幾秒既時間，我地即刻係係爆火咁打，旦丁係當時用棍對我拐，基本上係我短對長，好多人都會覺得我應該處於下風，點知令好多 人都覺得好意外，例如係旦丁係咁扯快我個速度去打，但係我係咁擋哂之餘，仲要係不斷反攻，即時係兩個人既攻擊力大層，最後我同旦丁係打到我出拐佢出棍既情況同時打和，個一刻兩個人都好開心，因為我地兩個從來都未試過打得咁激!
今日我對輸贏而家呢一刻已經冇哂感覺，因為打既時候我只係諗如果我唔反抗，挨打既只有係自己既身體，做既係減少比人打中身既機會同埋尋找反抗既機會!
之後落左山，反左sky屋企換個衫就同gary去返上水，佢就回定去，我就工作去，今日返工我就有唔少既體會!
第一就係，我體會到我阿頭irene係好多時都冇假放，日做夜做，返最早，收最遲!其實佢真係辛苦到不得了!我覺得我阿頭好可憐，返到屋企既時候，望到自己個仔已經訓左，佢個仔都係1歲，BB好早訓嘛!
第二就係我今送外賣去雞兜，最離譜既就係我係按鐘既時候，我聽到一d呻吟既聲，個時都係9點幾，我心諗:唔係掛!咁早都有生意?另外一樣野就係，我見到個位小姐開左門之後，的確呢位小姐真係天生麗質，佢真係冇化妝，但已經有不凡既面孔!
最特別既係，呢位小姐佢係我收好錢個時，佢問我:「食左飯未呀?」我個時食左啦!真係估唔到，一個做妓女既人，原來都可以有咁好既心腸，也難怪佢有一個天使既面孔!不過我覺得佢好慘，明明一個咁靚既女人，但係要做一d自己唔想既工作去維持生計，真係會覺得呢個社會點解會有咁唔公平既現實?
|
