今日天氣好熱，上水同青衣一樣，都有35度!的確係對高地戶外活動係一個危險既氣溫，但係我地冇懼呢個天氣!我其實都係試過呢個天氣照樣打波，照樣行山，甚至好似今日咁上山習武!
亦都係啦!我如常去到sky屋企，我今日係帶古月柳刀，亦都係啦!我用呢把刀，我係好少輸，我唔知係點解!
我係今日sky屋企樓下長樂小食食左個麵!20蚊，3送面，令我諗起ive學校飯堂食車仔面，3送面，仲有可樂送，真係好好!可惜我今日已經退左學，我唔知仲有冇機會係果個food court食野!
食完野，我地成班一齊上sky屋企，我地去左惠康買左枝玫瑰露同埋一枝西洋果酒，西洋果酒呢就係橙同桃，咁幾靚既!又幾好飲既!我地係鋤dee，輸10隻，飲一杯!呢一杯野係玫瑰露打底，由橙汁汽水或者係忌廉打頂!當然我就唔係輸得咁多啦!旦丁、silver、帕gap就飲好多啦!亦都出現左好多「疑似醉酒情況」，首先講下最快到頂又好快自我投降既，就係silver...
silver破哂全場總冠軍，佢既紀錄真係短短玩左幾鋪，就已經輸左超過30底，佢一飲酒，塊面紅哂!同關二哥冇咩分別，好明顯佢係酒量好少，所以佢都地快投降...而且發生「疑似醉酒情況」，佢飲完酒，佢一就一路講笑!呢下我都幾無奈...
第二名係帕gap，點講佢地係同silver差不多，又係一開波輸成超過30底，我都知silver同帕gap兩位乖學生，酒量真係好快見底，又變埋2號關二哥，不過佢好過silver，silver就發傻!
我就都係咁飲啦，可能自己飲得啦!我飲落就冇咩事，又冇面紅之類!
好啦!上山啦!我開頭都諗，頭先飲左咁多?唔係掛，會唔會係sky係到打醉纓槍呢?我會唔會瘋狂孫策?旦丁又會唔會由西門吹雪變成旦丁笠水呢?
出乎意料之外既消息，三個習武既飲酒之後，原來攻擊力係爆高，講真今日呢幾場小戰鬥，幾難打ga其實!亦都係我對旦丁，旦丁雖然耐冇練，但係佢都係一個幾強既對手!計起今日天氣，35度、天氣乾燥、陽光極強，呢個天氣對於阿丁黎講，極之不爽!我食住個勢去上，不出我所料，冇咁怕熱天既我，我的確兩場打敗旦丁!
不過意外就出現啦!旦丁本來打算同我打完，休息片刻，之後再對SKY!咁我係佢地對打之戰，突然間見到旦丁隻手爆血!我諗:唉!肯定頭先出手重左...之後同旦丁做左基本止血，用d雲南白藥搞搞佢!
今次旦丁隻手係打中右手中指掌同指果個絞位，目前係發現隻手手根位脹左，我諗係出手個下打中條根，因為受到重創所以就脹到好似波子咁!咁之後我地一齊落山，旦丁去到sky屋企，係要做放血工程!點解要放血呢?好簡單d瘀血出現stuck既情況，如果唔放，情況係有一大堆冇用既瘀血係入面，咁呢我相信旦丁隻手脹既地方十足貴價金魚「羅漢」個佛頭一樣!放左呢!至少旦丁佢食飯hold到筷子!隻手又唔洗成條「羅漢」咁!
咁呢我事前比左枝煙旦丁做止痛，我知道旦丁識食煙，呢樣可以幫到佢!之後我就協助佢處理隻手，突然間佢按隻手，d血飛出黎，個下我就覺得入面積血有好多，需要放多少少時間!旦丁算好ga啦!至少佢係可以控制既範圍，我個時就唔係，即係我右手個三條疤，個陣時係流血流到唔知點搞!我仲好記得皮開肉爛既時候，我唔覺得痛，但係覺得麻煩既係d血有停唔到既情況!
點都好啦!希望旦丁快d好返!亦都係對旦丁所做成既創傷真係萬分抱歉! |
