今日我係一個安樂的工作日，我係觀塘開工，渡過左整個工作時間，我可以咁講!係公司雖然有野玩，有電話feature練，有電腦，有人同你傾下計，但係呢成日係公司其實都係悶，始終整日係公司都為係對住一面牆，同埋幾個人，不外乎都係波叔、jimmy、herbie、春怡姨(rosan)同埋wendy!
咁今日我收到一個令我覺得有好有唔好既消息，原來wendy做埋今日就離職!點解好同埋有唔好呢?分析如下:
好處:
1. wendy長期對住波叔呢個唔係太好既老闆，講真安排混亂，而且經常都是令wendy收遲工，換著是我也不甚高興。
2. wendy同我差不多大，離職另謀高就總有人請，冇謂浪費青春，開拓一個新視野未嘗不是一件好事。
壞處:
1. wendy離開公司，公司將會是欠缺一位靚女做admin，點講都係啦!公司男多女少，似乎會形成一個陽盛陰衰既局面，雖然公司有招募新人頂位，不過我覺得係會有較大機會請左d 35-45年紀的「師奶」作為新admin，即係話公司無美女。
2. 我同jimmy加herbie少左一個人一齊講下公司波叔d白癡野，當然呢個係相當大既損失，我可以講係嚴重既total loss。
雖然做左個簡單既分析，但係我就見公司一個新現象，就係將會有另一位sales既同事，叫kenny既人兄加入，當然我同佢都唔係話好熟落，但總算叫做見過面啦!
好啦!今日我朝早去左觀塘一間布料公司與jimmy共同處理客戶問題，呢單野其實都幾慘，首先呢個客要放假，因為就有左BB，要例行body check啦!好啦!放假返而問題多多，首先佢唔能夠成功做飛線功能，首先佢既位置係reseption，自然就有好多call要經佢呢個位置。而佢一個電話有兩個內線number，一個係街線入公司reseption位置，一個係內線與內線之既位置。最大問題係該公司申請使用的街線係IDAP，有真正內線號碼及虛擬內線號碼，真正的可以簡單地以Feature入code就可以，但係虛擬就絕對不可，除非將電話內線換位，以progamming既方式去做，改內線虛擬變成真正，咁就可以call forward!
星期三個晚我同jimmy上到去該公司，咁就發現該公司內線已經用盡左，只係得返虛擬，但係個客又要call forward，點算呢?我師傅靈機一觸就諗，不如當試同新九倉傾下，可唔可由大機樓做call forward呢?結果係得，不過要等3個工作天，大家可以諗個客星期四係放假，如果由星期三19:00開始計算，3個工作後天即今日星期五，咁即係話等得你(新九倉)黎都死屎啦?
好啦!3個工作天=冇撚用，點算呢?呢個客人早前已經跟新九倉一位客戶服務既職員聯絡，睇下可唔可以即日生效call forward(用特權accept)，但係新九倉呢位小員就將呢個波對比機樓組既同事，機樓組又話點樣唔得，用哂d好企硬既立場唔整，打死3個工作天，我心諗人地急用，你咪好心幫下個客lor?我覺得新九倉處事係欠缺彈性!個客同新九倉當然係傾得非常不滿，想用services但係新九倉懶理，之後個客想同返客戶服務職員反映問題，點知「失蹤」!
咁失蹤總有「現型」，個客打返比客戶服務，個客戶服務人講話:「最快要聽日下午時間...」我諗新九倉handle呢件事真係有d問題，完全解決唔到個問題，不旦止講到個客都扯火。最後客人及我同jimmy都冇講過話要新九倉提供call forward服務。
好啦!個客係星期四享用完假期，今日星期五復工!咁佢打去比新九倉，客戶服務人居然話開左call forward?下?有冇搞錯?我都記得我地三個人都冇話accept要服務，不單止呢個services係新九倉要收錢，50蚊?
冇理由ar!冇要求做既mission，新九倉傻傻下又比services個客，爛醒!又比個客罵多轉客戶服務!
之後師傅帶我去一間公司，係同gcs友好既公司，即KS kong既公司，入面亦有nec既高手馬田，咁我地吹雞完成，martin又幫我地搞好哂d feature，當然個客就非常滿意!
接住落，我去jos上BCM course，真好!上次見到一位jos挺靚女既講員兼course holder既Sarah，今次一入去jos又見到sarah，精神為止一振!點講都係ga啦!呢行男多女少，唉!有d美女係呢行實在難得，sarah當然係呢一行既好例子啦!
上左個course，其實講d野都幾深，有d野我都唔係好明，始終我都係岩岩學起，你問我一般digital既問題，我可能都仲可以答到，但係BCM我真係好少接觸，我可以講我唔多識!
放學=放工，我之後去搵sky，咁我同佢今日係深水步搵左我要既功夫鞋，佢搵到佢要白腊杆，之後我去左青衣，去左耀記食飯，咁就叫左個蝦醬炒飯，不過食完之後出事啦!
點解咁講呢?其實我一直以黎都對蝦、蟹有中度過敏，輕度指可能係有嘔吐、頭暈、肚痛現象。中度是肚痛、全身或局佈身體位置有起過敏反應(起粒粒)、極度痕癢，嚴重過敏是呼吸困難、暈眩、死亡。
搭279x個陣我覺得有少少痕，返到屋企已經係沖凍水涼，而且用鹽洗身，以鹼性沖和敏感問題，但失敗了，之後係咁滴驅風油，到而家8月30號02:28，我好返lu!
|
