尋日既我，其實係滿帶疲累，因為前日夜晚，我去左旦丁屋企同一大班人一齊燒野食，當場開心啦!但背後我地玩通頂之後，我要返工!諗下呢下既時候，大家就可能會諗:herbert，你返工都唔係好似以前咁辛苦!唔怕啦!
如果咁諗，你就大錯特錯!因為我尋日就要係城大進行呢個UPS安裝工程(後備電源)，UPS係關於電，而且電壓係相等於市電220v，如果當中有任何出錯，我可以講係一係自己輕則觸電，重則係電死。但係咁累既情況，真係好易出錯又或者個人能力表現欠佳，我可以講尋日我僥倖渡過，冇發生意外!
裝機過程當中，我覺得好困難，因為我就岩岩新入行，咩都唔識!尋日又比師傅jimmy話我做野做得唔好，所以就有d唔係幾開心啦!不過我老頂，即係波叔就鼓勵我，就話:比心機去做，主動性高d，睇多d咁就會做得好!我覺得佢真係幾好既，因為佢真係有心機去指引我去做野。另外，就有非公司人士，但係就一齊做野既華哥，華哥好好人，佢做事好有效率，亦都指引我做好多野，當然我覺得同佢夾住做野，我好開心啦!jimmy佢就會真係話我，不過我就覺得如果佢指引多d，我會冇咁大壓力，因為我真係咩都唔識!
咁今日就上電開機，我就因為覺得太凍，可能凍親既關係，我經常都要走出去，而且我凍到真係頭痛，但係波叔又叫我過黎一齊贂一齊學，咁我就覺得好難堪，講真頭痛，好難集中去聽 eaton set機人gary講野，我好想主動，無奈我真係好唔舒服，唉!咁又比波叔咋型，我心諗係比d人情味黎ar!我病左返唔到工你咪仲唔安樂?所以我覺得以前係鴻利返工雖然係辛苦，但係有人情味，一齊做野既一班同事，同一家人冇分別，我做得累老闆林生會關心我，又會多同我傾計，不論女人與汽車各樣，但係而家我覺得好難溶合佢地當中，雖然波叔係由細睇我大，但係佢弊在唔多理會人既感受，我敢講jimmy師傅唔多滿意佢既工作態度，執著係好，但唔好比人感覺係寒酸，幾蚊都要同人計到盡，唉!我心諗幾蚊我去機鋪打機都打左去啦!
Jimmy唔同，佢雖然係我師傅，佢就算係我長輩，但係佢唔會真係比好大威嚴出黎，就算佢話我即好似尋日咁，至少我唔會覺得特別難過，華哥亦同樣，我同佢地兩位師傅做事，我開心!
公司近日有位叫herbi既同事，咁呢位同事其實係早前jos(怡和集團)既觀塘創紀之城既公司上course時已經見過面，我覺得同佢幾傾既，大家傾計夠夾，相處之下又幾開心!
其實我覺得呢一行真係好唔知點，其一係做既野唔及電工，但又要做電既野，做電話系統，但又唔等於電訊行業咁(即pccw，和記之類)，做既野唔咸唔淡，你問我辛唔辛苦，我可以答唔係好辛苦，但係好困難，因為有好多理論概念要記!同時做既時候，飲食行業出錯，可能話大不了做過再交貨，但係呢一行唔同，做錯左，可能會帶黎好大既麻煩!
咁今日我去完城大，回程返到公司之後食埋飯波叔叫我入返d UPS電池去部機到，咁我犯左一個錯誤係唔小心攞錯一條線插電，搞到「砰」一聲嚇親公司入面既春怡姨同埋我既女同事WENDY，幸好我係呢次意外我冇事!
今日我亦都好開心可以準時收工，因為呢個星期，我好多時都要遲收工，搞到好夜先食飯同返屋企，不過都習慣左工作夜歸，始終我以前係鴻利都成12點先至收工!
我而家只係希望我可以盡快適應工作，盡量同公司全體有溶合既效果，更希望我可以快D挨過第一個月，講真我覺得呢份工好大挑戰，亦都好講個人既轉數快唔快，我覺得自己轉數慢，同埋以前既我係做飲食行業，講真飲食行業，其實就變化少，重重覆覆，搞得掂d客，令佢地開心就可以，冇咩突別既要求，工作簡單容易掌握!而家就唔同，第一要概念理論一定要打好根基，第二要轉數同變通能力，第三係個人體能。而家我好好彩咁就頂得上一個星期多d既工作，希望呢個係一個好開始，我都係覺得，岩岩出黎做，實比人屌，不過唔屌唔撚醒!屌醒左，咪做得well done囉!
|
