Qooza壞左，我覺得好失望啦!例如係我想打blog既時侯，qooza就令人「好開心」地冇blog打!

咁qooza壞既呢段時間，我一路都係返工啦!不斷都係去尖沙嘴開工，呢個係因為我要搞工程，所以我就要周圍去!同jimmy師傅做拉線，唉!我覺得個工程地點好難搞，講真因為d師傅係到整緊野，d線又好難拉!計位要好準!

講真而家我覺得呢一行真係好冷門，對於一般人黎講，呢一行真係除左裝修會了解，電訊公司會知，一般人就真係好難知!就好簡單d老友記問我做邊行，我都要花一段時間解釋!

之後尋日同sky，旦丁，阿聰，仲有阿b一齊習武，阿B真係好搞笑去左山上面攞枝竹仔同sky砍過，當然竹仔斷開啦!

今日同阿b去左大頭嶺公園，咁今日都係練返尋日學個d動作技巧，咁今日打得快好多!亦都開心!

聽日又要新一周既工作，好啦!努力工作!

今日係我第二日係新公司返工， 咁亦都係我第一係公司做野，但係我想講既係公司其實冇咩野比我做，我唔係處理文件，因為文件野多數都係我舊同學wendy做既，又或者係阿怡姨做既!

咁我師傅jimmy就今日教左我好多，基本上都係好多電話分機個d基本知識，講真幾多野記，因為呢d此終係專業野!

最好既係，呢份工絕對係舒服，我都覺得自己唔洗咁辛苦，我都好開心!

黃昏時間sky黎左上水，我同細佬去同佢一齊去行左一圈上水，咁我同佢地一齊去左彩蒲園，回憶下兒時既事，咁當然sky同我一齊都係上水住，咁當然多話題講到!

之後同佢去左打下上水既bg4，咁上水5蚊局，真係覺得貴!所以sky都係玩左兩鋪就算，我就玩左一鋪!

咁好啦!之後去左馬仔記食飯，我同細佬、sky飲左好多啤酒!好開心!