今日我係公司，波叔就叫左我入房，本來我諗...唉!收埋尾數準備走，反而唔係，我係呢個時候，波叔反而叫我努力做落去，佢睇我既努力，亦知道我背後所花上既用心，例如我會為工作而打算，買部notebook方便工作...

咁都好，燃眉之急解決左，可以休息一下...不過面對既難題都係一樣咁煩!工作上有好多野唔明...仲有好多野要明

近排公司請左個新同事頂左wendy既位置，果個係阿姐黎既，叫janet，不過就強差人意，工作上唔太識用電腦，咁我就覺得作為一個秘書，電腦都唔多曉既...似乎唔掂wo!

今日送左兩盒月餅比波叔同rosan姨，我同事herbie話我傻，送條毛咩?但我覺得做人唔可以咁，就算波叔點差，始終我同佢都係算相識一場，總算佢係GCS照顧過我既

另外一樣野，我今日可以整一個自己既做既13A插制，以前我真係唔識整，而家我識啦!

今日我好累，我好想訓下，睇黎今晚都係早d訓...

 今日，我好早就返左公司，冇計啦!返工比人咋型，又話我返得遲又點點點...唉!咁我返工返早d啦!

好啦!今日我收到herbie放風，公司有人見工，睇黎波叔真係有心想對付我，咁佢對付我又點樣?炒咪炒lor...反正佢呢間公司真係運作亂哂大龍，我覺得好無意思，工我會繼續返，錢我照賺，一日搵唔到人頂，或者波叔冇咁快炒人既...

咁我今日就去左嶺南大學送UPS，嶺大其實比我感覺好有中國特式，中式建築加上西式既內裡，不過我覺得學校作為大學略為細少少，唔緊要啦!不竟嶺大都係一個高上學府，甚至我係無能力去讀呢間學校

講下尋日既事，我尋日就同terry, sky佢地兩條友仔去左廣華街睇槍，其實我覺得wargame真係好無引，唉!而家玩個d人，好多都係不死人，講真真係火起上黎，我諗出動d石頭擲埋去，唔到佢唔死啦?

尋日TERRY做左一個好明確既決定，佢就買左一枝G&P既M4，咁佢買得幾好既，不過呢佢D揸槍既技巧就真係令我覺得有質疑，唔緊要啦!我真係覺得打WARGAME 好多人諗既戰術唔太符合邏輯，講持槍技巧可以學，戰術真係學一世都唔夠，講真去到邊都好，我都覺得環境唔同，戰術唔可以下下咁樣用...

而我尋日都係滿載而歸，我尋日係旺角鐳射買左部NOTEBOOK，3220蚊，機仔細，好好用!呢一我等左好耐，因為我真係覺得同細佬share部電腦幾煩惱!