好啦!今日天陰陰返工，好ar!唔洗曬唔洗咁熱!
波叔今日唔係公司，上左大陸開會，好事ar!我覺得唔洗比人一個控制大局，但係控制得唔好既人擺脫控制，我覺得係輕鬆好多，講真我覺得波叔雖然係一個技能人士，但係對於一個管理同控制，我對佢既能力產生一種不信任同埋不滿既感覺，事關公司既設備唔好，server成日失靈，唉!咁講真做野想有效率都難啦?仲有既係貨物既堆積如山問題，我一眼睇得出，公司生意不太景氣，如果你賣得d產品，我諗我呢個星期，唔應該係公司，應該走出走入，更加係唔洗係公司悶煲書，講真出去學下野，呼吸下新鮮空氣，總好過終日係到煲書啦?
我係公司已經成個星期啦!日日返到黎，得個坐字，自己個位冇電腦既，講真我都想有得對下電腦，網上學習一番，你叫我睇黎睇去都係個幾本書，norstar installation，norstar voice mail，norstar star flash，我覺得公司最有價值既係呢幾本書，其他個d都唔知做咩既，係!公司有好多powerware ups既書仔，但我心諗書就大把，機就堆積如山，我會覺得生意真係差!
講起公司有故事，我對上既一個師兄，叫阿海，佢做一個月就辭職唔做，好啦!點解呢?原因係頂唔順波叔d麻煩野。就我今日所見，好多工程比我感覺係拖住先，真係要客人打到上門先至會追出黎去做野，咁樣既服務...換著係客人既你，你會唔會幫襯?
講真我做到今日，一個月零七日，我覺得係仁志義盡，對於一個有關係既老闆，但係咁差既公司運作，我覺得個運作比起大排檔更差，冇效率，冇周長計劃，為左少少既金額生意，咩都要做一餐，明知做唔過，都要accept，有冇搞錯ar?講真餐廳送外賣太遠，都會唔送啦!係咪先?曬車錢做工程，做黎都唔知夠唔夠填員工車資...
波叔而家已經出左「最後通諜」，最後試用限期前一星期，我覺得唔係話唔做既，我都想做落去，不過我覺得係呢到做野，好勞氣!jimmy師傅成日鬼嗟咁話我點點點唔識，我心諗唔識咪唔識lor!你估我出世係神咩?如果係神既我唔洗落黎，我係control呢個地球，洗打工咩?老兄，我都係打返工姐，唔洗咁對我嘛?你咁樣話我咪等於害我，迫我走姐?你勞氣，又要令老闆對我印象唔好，好啦!老闆炒我，又少人手，對你都冇好處姐?即係我會咁睇，jimmy同波叔個眼光好淺薄!
我做鴻利，我洗怕冇工開?我唔洗擔心返學冇工開，因為老闆林生自然會搵我，講真我洗唔洗好似而家咁，偷偷摸咁去走廊「偷柴」?明係公司食啦?有「米缸」有空間有自由，我做野林生從來都唔洗擔心，佢擔心咩呢?擔心我唔黎做之嘛?而家我倒返轉我要驚隨時冇得撈?我真係覺得搞錯!不過波叔炒我既話，佢走寶lor!難得我肯學，其他人早就走得遠遠啦!佢唔留我既，我都冇心會留多一回!佢炒我既，我唔會太失望。
昔日人非材不留，今天目見吾而去，他朝再會莫請求，吾已離開不回頭，懷才不遇無人知，
辛勤奮鬥無人問，還望蒼天憐憫我，為主耕耘不望報，努力上進無人理，何時才遇知音人?
...呢句野，我好想贈波叔呢句說話!
講下d開心野啦!我今日同我媽慶祝生日，往年佢都係同佢d老友記去酒樓去食下野，玩下咁!不過今年佢揀左同我地兩兄弟一齊去耀記食野，耀記即係我老友sky既鋪頭，咁我之前都食過幾次ga啦!當然就好好食啦!
今日收左工之後，就帶埋阿B、阿媽同埋阿媽個fd B珍姨一齊去，佢地覺耀記好遠，唉!食好野，咁近就唔係食好野啦!今餐食鱔、豉油雞、通才咁啦!好似好簡單，但係背後都係要耀叔、Sky同埋佢哥哥阿忠努力先至做得咁好!當然我媽都食得好開心啦!
|
