向來我既老友sky係教開我武術，一向佢都係爆fit既狀態，不過近排可能勞累過度，精神體力上欠佳，狀態笠水!呢個當然唔係咁好，至終我知道佢內在有d咩問題，例如有d舊患內傷咁，都好影響佢既狀態。

其實我最擔心既，唔係佢平時既表現，而係佢將會係11月既聯賽，而且對住既人唔係香港以內一般武館既料子，而係國內既高手，咁我都好擔心佢咁既情況，只係可以咁講，佢打左呢一場，唔好理sky既戰果輸贏，但我可以諗既就係只係希望佢冇事，而且佢仲可以繼續戰鬥。否則有可能內傷過度，導致到佢唔可以再繼續武術既生涯。

尋日我到左青衣，佢總算係精神奕奕，不過呢佢就話尋晚佢有留鼻血，麻煩大啦!鼻血流成15分鐘?呢個真係好恐怖，我諗可能內傷跟血氣上都有問題，導致佢流鼻血!咁而家只係希望佢盡快調理好個人...

之後就去上山練習，係綠地跑20個圈，對我黎講當然唔難啦!我本身以前係長跑甲組代表隊，雖則名次嘛嘛!但係都有訓練，而且我從來都冇忘記跑到好辛苦既個段日子!不過對比起阿聰同terry，佢地兩個就辛苦d，因為呢阿聰有心絞，terry煙癮太大唔夠氣跑，所以最後我同sky都係一路跑到尾都係幾快!但意外係練習當中都有出現，sky佢跑跑下突然滑倒，我估計佢係誤踏地上既垃圾或枯葉，出現左少約既擦傷同埋瘀傷，相信冇突別既大問題既。

同埋後黎我地上高地，咁都練習得幾暢順既，不過我係咁多個當中用既武器最重，所以呢我就覺得略為吃力，但係唔練係唔得，因為唔練，好多動作都係做唔到!

今日，我師傅出左一個大題目比我，就係原裝一部CICS叫我去裝，當然啦!佢會帶住我黎做，最後我真係完成左，而且師傅都算係滿意!

之後COVA又報比我地知，電話又駁唔到街線，唉!好明顯PCCW有問題!之後我搞左一大輪，都好既!至少我幫到COVA打開左呢個基本聯絡既問題!

本來聽日呢我公司係因為老闆波叔係因上大陸工作，結果呢我可以享有明天放假既福利，不過呢我師傅就因為COVA既事件，佢就覺得我既做法唔係唔得，而係治標唔治本，止痛醫唔到病!所以呢聽日都有可能要外出工作，雖然師傅就彈性D比我揀既，咁我都覺得一時之間好難選擇...

去呢?學到野既(唔知係學到幾多)，不過呢玩既時間真係少左!唔去呢?唔洗咁早起身，玩得耐D!

點揀好呢?我真係唔知點揀好，因為我覺得好難選擇!唉!唔好理，聽日起到身就起，唔起就算啦!

有時候我覺得師傅真係好盡職，不過盡職呢...唔係呢個時候同埋呢間公司，講真呢間公司波叔會唔會體恤員工既情況呢...會既!不過以為我地萬能咁lor!唉!