尋晚2130，師傅打比我，佢問我:「軒仔，聽日星期六，咁呢就有兩種選擇?」我就回應:「下?有d咩揀呀?」師傅:「第一，係選擇乖乖地係公司，單對單對住波叔...」我:「對住波叔?唔係掛單對單好難頂wo?」師傅:「唔緊要，仲有第二個選擇，就係跟我出去港島中環做野」我:「當然揀出黎啦!係公司波叔又老點我架啦!」師傅:「不過wo!要早起身出黎wo!8點30，遲到唔等自己變返選擇一返公司」我:「放心，為左逃出地獄，打死都出呀!」
經過一番對話，為左逃出煉獄，我早起身都要出黎，7點鐘起身，pack野出門，結果7點半到左上水車站，8點半岩岩好去到王后像廣場...當然起身個下都要好大推動先起到身!其實都好累，因為尋日都有係沙田馬料污水廠運送3部UPS回公司，3部機又有電池，可以係好重!講真最火個下Janet呢個肥師奶同事，係上落貨個邊位置，齋等又唔打比我，我心諗你返黎做野，工作經驗比我多，我唔識做已經比人屌死，佢係做極都唔識，犯錯比我更多，唉!返去養豬啦!
好啦!今日個工作地點都幾突別，因為係去到半山區既名校，一間叫island school既國際學校，可以話係設備優良，係一級既學校!不過都係同樣，人從來只係會識用電話，但從來都唔去珍惜呢份資源，因為電話講真就用開用熟，但人總係唔明損壞，要維修係一件好高難度既事，而且我覺得呢一行太少人了解明白，所以我都係覺得如果有多d人了解呢一行，話唔定佢地盲會明白我背後要點做付出幾多代價先至整得好，又或者去安裝好。
咁呢間學校都係用nortel，對我黎講係好事，因為我係第一套學機既牌子係nortel，師傅都係由nortel cics教起，mics再加少少自學，所以呢我就好開心，因為咁樣個煩惱冇咁大!如果係nec、panasonic，個d我可以講我完全不曉!因為都未學識。
另外呢，呢間學校既校工人員都幾合作，令工作可以好順利完成，,不過我最唔明白既地方係點解佢地用機用到d頭多污垢，人地公司食煙就話搞到d電話頭黃甘甘，佢地用新野，都係黃甘甘，所以話人從來都唔珍惜電話既存在，由其係公司電話以及佢地既手機，香港人平均換手機既時間大約係半年至年半，一係好奇心有新機，一係自己平時唔錫機用，結果爛機壞機通通有。
最開心既係，今日10點已經完成任務，收工啦!咁盲當然去玩下啦!咁我就搵左阿jason去左打灣岸，不過呢佢似乎唔太識玩，對自己所用既車唔了解，其一係對車結構唔明白，唔識得收放自姑去利用「拖波」形式，踩油比放都唔太掌握，所以我見到佢都係lose，佢買入既係subaru既impreza wrx(最新個架)，呢架車其實佢好有力，可以直路同轉彎都可以表現自如，就好似海燕咁，入水能游出水能飛陸上能走，不過jason利用唔到呢一點，轉彎唔落波即死衝死撞，想升爆車過關都難!其實要玩得好，應該計劃一下車既入彎速，出彎速，波數，比油隻腳放踩幾多，轉胎扭幾多，另外再配合純熟度，同時望主倒后鏡d對手既走位，留意下佢既夾咩位，要唔要反擊?呢d都係重點...
西環區既對手好弱，慢慢揸攞第二，埋尾用盡少少已經第一，可以話係易打，對起上水既高手，死十次都唔掂!都係個句，一味得夾字，都係比較係差劣既打法，轉彎夾都算啦!直路都推呢咁就真係離譜，同d上水未夠稱但係又入黎打機既小朋友又有咩分別?
我可以咁講A2 CLASS既人，玩得仲差過d C7，我唔知個C7係咪扮蟹啦，但明顯可見既係A2人既平穩極為差，換著上水出黎既已經跑到老遠，車尾都見唔到...
|
