今日我就一般咁返工，咁我入公司前，係火炭村天橋底則面一間細細既食店，買左兩個粉果做早餐返公司食，5蚊有兩個，都算係唔錯啦!不過就d皮似乎有點厚，一分價錢就一分貨，算啦!醫得肚，食得落都算係幾好!
另外呢，我同波叔去左沙田污水廠睇site，呢個地方我覺得係幾難頂，好大陣瘀泥味同埋好臭，有一種係郊野公園既廁所味!唉!此地的確不宜久留。
之後食飯，jimmy今日少講野好多，可能係我背後有d唔係太高興既事，我師傅通常都係咁，遇到有d唔太高興既事，又或者係電話野有d野搞唔掂，好似佢對住nec，佢真係唔多識，對佢黎講真係好痛苦!
咁食完飯之後，波叔就叫我去金鐘cova既電話又有問題出現，情況就係電話好似hold起左咁，呢d情況其實都幾煩，因為係關乎街線既，咁打唔出街線，人1地又打唔到入黎，其實對一間公司既運作都係麻煩，一黎就影響生意，二黎就係佢地門市部既同事，就比上大人屌!
咁我一諗到就係，街線問題lor!COVA係申請PCCW，咁呢有時電話公司都會有失靈既時候，不過唔洗驚既，打去PCCW屌下鬼就得ga啦!
今日我都有蝦碌既地方，我用bix刀整MDF既時候，反轉把刀，搞到唔小心剪左線!之後我當然就要補鑊啦!想打返上去個時，仆直啦!D線尾仲留係BIX d牙入面，我開頭打算用好細枝既「他筆」(即一枝鑼絲批，帶有測試交流電的燈泡)去挑線仔，點知挑唔到不但止，仲要挑到d線渣(爛線)仲係入面，我打極bix，個電話又唔過氣(唔過氣=冇電到冇訊號到)，好麻煩同埋好難收科同人解釋，不過我情急之下，用左一個解釋同個客講:「電線太耐啦!有爛線位，不如有位既打過另一個位!」就係咁，內線26改左，成為28號，過到骨!
最慘既係，我本來打算係收隊走既時候，天意作弄小弟，電話街線真係打唔出街線，死啦!呢個地步係我前所未見咁慘，之後試整都係打唔出，咁就我就打比jimmy求救，當然jimmy就係電話解釋左呢個問題，好明顯pccw玩野啦!當然jimmy教我，將身內無線既line1，搭埋上M7310(NORTEL 一個內線電話型號)，即二個街線同時係一個M7310上面，出奇地PCCW似乎玩夠啦!我一assign 好，即得!
最後我5點15分已經可以收工，so so so good!
另外呢，我今日係第一日用個bluetooth handsfree做野，真係好正!冇cable阻頭阻勢!
|
