今日依然都有同阿琦傾下計，不過呢我覺得同佢傾計之下，我諗返起好多自己以前既事，我覺得自己有好多唔岩既事，不過呢有時就覺得如果唔係有人令我唔開心既事，我都唔會做左咁多錯既決定。

阿塋到今日都係冇搵我，我都冇哂心機，佢搵就搵唔搵就算數!講真佢都冇為我花時間既，電話、sms、msn...之類都冇搵我，我覺得係你比機會我，但係你又唔比機會我同你聯絡，我覺得好矛盾!咁即係話，究竟你想點呢?

今日我係公司真係悶個半死，我部notebook係冇預先charge battery，咁就出事啦!出門上班忘記帶adaptor，有機冇電用!

整體黎講，今日係公司真係好鬼悶，我真係唔知點講悶既程度，總之個人又累，而且又冇咩心情，講真阿瑩個邊d野令我好困擾，我心情亦都不甚高興!

之後同jimmy食飯，食完飯去左坳背灣街買「fill屎」，我睇到一個信和集團既保安員招聘poster，工作地點有上水，粉嶺，大埔，火炭!人工7000蚊，抵屌啦!好過係呢間野真係日日唔知做乜!

最後今日都係全日係公司悶爆，唉!無陰公!

近排其實我有少少唔開心，因為本來我都期望阿塋話有意思想同我重新再作一個嘗試，不過呢佢話就話比機會，同埋所謂既試用期，唉!令我大失所望，因為呢大家根本都冇咩時間交往，見個面都冇，咁我就諗我唔係冇止境等你一個答覆，又或者無止境去等你一個行動指示，時間我有預留同埋付出過，耐性都付出埋，尋求機會我亦都有做，電話聯絡試過好多次啦!但係同一個答案都係冇人聽，我心諗忙都唔係咁浮誇嘛?兩星期都係同一case?

我絕對肯定我要退出呢個試用期，其一係雙方沒法子聯絡，而且我有致電，而對方曾經出現冇接聽或是直至掛線; 第二，我有嘗試有第二選擇msn作為聯絡，但多次發現齋online但沒有人回應; 第三，我有嘗試提出約會見面，但都是拒絕或是用其他方式，例如電話上: 我有事忙緊，轉頭打比你。第四，從來都是「一去不回」，意思指所謂既「轉頭打比你」，原來都是叫人乾等!總結我的所提出既理由，如果往後能夠發生進一步關係，我無法接受如此生活，所以我選擇提早退出。

唔提阿塋呢筆，簡直係令我失望，始終我滿帶祈望會有新既開始，原來都係白幹!近排就識到一個新朋友叫阿琦，其實都唔算新朋友，因為係較早前已經有add佢msn，不過佢既online時間唔太穩定，而且我冇佢其他既聯絡方式，所以一直都係停滯不前。

近排就有新既進展，就同佢打好左一個友誼既關係，因為近排同佢傾計多左，了解多左!都ok既...